Barra oblica
La barra oblica es un signe de pontuacion. La màger part deu temps es una barra clinada simpla. Dessepara generaument dus elements que s'opausan e, dens aqueste cas, pren un espaci insecable abans e après (ex.: can /gat, fuòc / aiga). Dessepara tanben, dens ua categoria o un paradigme dus elements equivalents. Dens aqueste cas, n'i a pas nat espaci ni abans ni après (ex.: cosina/sala de manjar).
En fonologia, la barra oblica serveish tà enquadrar ua transcripcion fonologica. Per exemple, en gascon, lo mot vin es compausat de dus fonèmas notats /b/ e /i/. En matematicas, es tanben lo signe de la division dens las expressions fraccionàrias (ex : 15/3 = 5,120 km/h). Enfin, la barra oblica s'emplega après la chifra de las segondas entà marcar los detzaus o centaus de segonda (ex : 17/100 de segonda).