Republica de Kosova

Un article de Wikipèdia, l'enciclopèdia liura.
Anar a : navigacion, Recercar
Exquisite-kfind.png Veire l'article: Kosova.

Kosova o Kosovë (noms en albanés) o ben Kosovo (Косово, nom sèrbe) es un estat del sud d'Euròpa, dins los Balcans, qu'a recebut una reconeissença parciala de la comunautat internacionala. Son nom oficial es Republica de Kosova (en albanés Republika e Kosovës, en sèrbe Република Косово = Republika Kosovo). Confronta Albania a l'oèst, Montenegro al nòrd-oèst, Serbia al nòrd-èst e la Republica de Macedònia al sud. A pas ges de frontièra maritima. A 2,2 milions d'estatjants e una superfícia de 10 912 km2.

La capitala es Prishtina.

Republika e Kosovës
Republika Kosovo
Flag of Kosovo.svg Coat of arms of Kosovo.svg
Lengas oficialas albanés, sèrbe
capitala
populacion (an)
Prishtina o Priština
500 000 abitants (2000)
Europe location KOS.png
Presidenta Atifete Jahjaga
Primièr ministre Isa Mustafa
Superfícia 10 912 km2
Populacion 2,2 milions (est. 2005)
Densitat 220 ab./km2
Moneda èuro
Kosovo-Municipalities.png

Lo gentilici es kosovar -a.

La populacion se compausa de dos grops etnics principals: los albaneses que son fòrça majoritaris amb 92 % e los sèrbes que son fòrça minoritaris amb 4 % (estimacions de 2002-2003). Lo sèrbes i foguèron majoritaris fins al mitan o a la fin del sègle XIX.

Declaracion d'independéncia[modificar | modificar la font]

Abans 2008, Kosova formava oficialament una província del sud de Serbia (amb lo nom sèrbe oficial de Косово и Метохија = Kosova e Metòijà, abreujat en Космет = Kosmet). Uèi lo jorn, l'estat de Serbia considèra que Kosova es encara una part integranta de son territòri.

Mas tre 1999, en seguida d'un conflicte armat qu'aviá opausat l'estat sèrbe amb la majoritat albanesa del país, Kosova s'èra mes sota l'administracion de las Nacions Unidas amb una quasi-independéncia de fach.

Kosova declarèt son independéncia lo 17 de febrièr de 2008 per rapòrt a Serbia. Aquela independéncia, ara, un certan nombre d'estats la reconeisson, en particular Albania e los Estats Units; e dins l'espaci occitan, Mónegue, França e Itàlia. La majoritat dels estats de l'Union Europèa an reconegut l'estat kosovar o an anonciat lor intencion de lo reconéisser (las solas oposicions dins l'UE venon d'Espanha, Eslovaquia, Romania e Chipre). Los estats de Serbia e de Russia refusan energicament de reconéisser aquela independéncia.

Vejatz Reaccions internacionalas a la declaracion d'independéncia de Kosova (en anglés).

Ligams intèrnes[modificar | modificar la font]

De consultar subre la Wikipedia mairitz anglofòna...


Reparticion etnica en Kosova en 2005, segon l'OSCE

Ligams extèrnes[modificar | modificar la font]


Nòtas & referéncias[modificar | modificar la font]