Pirenèus Atlantics
|
||||||||||||
|---|---|---|---|---|---|---|---|---|---|---|---|---|
 |
||||||||||||
 |
||||||||||||
| Region istorica | Gasconha  Bascoat  |
|||||||||||
| Region | Aquitània  |
|||||||||||
| Prefectura | Pau | |||||||||||
| Prefècte | ||||||||||||
| President del conselh general |
Jean Castaings ([[]]) | |||||||||||
| Sosprefectura(s) | Baiona Auloron |
|||||||||||
| Populacion Populacion totala |
650 356 ab. (2009) 671 644 ab. |
|||||||||||
| Densitat | 85,07 ab./km²
|
|||||||||||
| Superfícia | 7 645 km²
|
|||||||||||
| Arrondiments | 3 | |||||||||||
| Circonscripcions | ?? | |||||||||||
| Cantons | 52 | |||||||||||
| Intercomunalitats | 35 | |||||||||||
| Comunas | 547
|
|||||||||||
| Còde INSEE | 64 | |||||||||||
| ISO 3166-2 | FR-64 | |||||||||||
| NUTS-3 | FR615 | |||||||||||
| Sit web | www.cg64.fr | |||||||||||
Eths Pirenèus Atlantics (64) que son un departament de França. Ua partida deth departament qu'ei en Occitània (Biarn e Baish Ador) e er'auta partida qu'ei eth Bascoat nòrd. En 2009, 475 136 de 650 356 abitants vivèvan dens era partida occitana.
Somari |
Er'istòria [modificar]
Eth departament nomat iniciaument "Baishs Pirenèus" que'u creèn ara Revolucion Francesa, eth 4 març de 1790 en aplicacion dera lei deth 22 de deceme de 1789, en ajónher Bearn e eras tres províncias bascas (Labord, Baisha Navarra e Sola).
Òm pòt notar era preséncia de duas enclavadas deths Nauts Pirenèus qu'amassan cinc comunas ar èst deth departament.
Eths Baishs Pirenèus que prenón eth nom de Pirenèus Atlantics eth 10 d'octobre de 1969.
Era geografia [modificar]
Eth departament deths Pirenèus Atlantics que hè partida dera region d'Aquitània. Qu'ei ara termièra deths departaments deras Lanas, de Gers e deths Nauts Pirenèus, tant coma d'Espanha. Qu'ei bordat ar oèst per eth golf de Gasconha.
Eth clima [modificar]
Eths Pirenèus Atlantics que coneishen ua variacion d'altitud de près de 3000 mètres entre eth punt mei baish e eth mei haut. Non i a donc pas un sol clima. Era temperatura mejana deth departament que s'abaisha desempuish eras planuras dinc aths soms, on pòt nevar en tota sason.
Era temperatura dita normau qu'ei era deras planuras : qu'ei pro doça. Eth clima qu'a un sarròt de caracteristicas (egalitat deras temperaturas, doçor, mantuas plojas).
Era beutat deth cèu sustot en abòr, qu'ei hòrta ens Pirenèus Atlantics, coma ac ditz era cançon "Bèth Cèu de Pau".
Era demografia [modificar]
Non sembla pas i aver nat nom particular tà aperar eths poblants deths Pirenèus Atlantics. Eths Occitans que pòblan Biarn e lo Baish Ador mentre qu'eths Bascos pòblan eth Bascoat. Desempuish era Revolucion e era creacion deth departament, tots que partatjan eth medish departament. Mès de 1790 a 1969, eths abitants qu'estón enqüèra aperats eths Baish-Pirenencs.
Eras lengas [modificar]
- Er occitan (gascon) que's parla dens la zona orientau deth departament, en Biarn, e tanben en parçan deth Baish Ador (Baiona, Biàrritz, Anglet). Qu'ei ensenhat dès era mairau enas escòlas Calandretas.
- Eth basco (euskara en basco) qu'ei parlat enas vilas e vilatges deth País Basco, ena part occidentau deth departament (e tanben, mès recentament, en parçan deth Baish Ador pr'amor der'immigracion vienent deu País Basco). Era senhalizacion estradèra qu'ei bilingüa, e eth basco qu'ei ensenhat ens collègis, eths licèus e eras Ikastolak.
- Eth francés qu'ei era lenga oficiau, coma ena rèsta deth territòri francés.
Era gastronomia [modificar]
Biarn, eth Baish Ador e eth País Basco que presentan totas eras especialitats gastronomicas deth sud-oèst.
.svg){kind=small}
