Baiona

Vila d'Occitània

Baiona
Geografia fisica
Coordenadas	43° 29′ 37″ N 1° 28′ 30″ W
Baiona Localizacion sus la mapa departamentala
Superfícia	21,68 km²
Altituds  · Maximala  · Mejana  · Minimala	85 m 4 m 0 m
Geografia politica
País	Gasconha
Parçan	Baish Ador
Estat	França
Region	Aquitània
Departament	Pirenèus Atlantics
Arrondiment	Baiona
Canton	caplòc de 3 cantons
Intercom	Comunautat d'aglomeracion de Baiona-Anglet-Biàrritz
Cònsol	Jean Grenet (2008-2014)
Geografia umana
Populacion Populacion totala (Còde INSEE ?)	44 900 ab. 46237 ab.
Densitat	2 071,03 ab./km²
Autras informacions
Gentilici	baionés -esa
Còde postal	64100
Còde INSEE	64102

Ostaus de Baiona

Baiona qu'ei ua vila d'Occitània, en Gasconha, situada dens lo parçan deu Baish Ador. Que's tròba dens lo departament francés deus Pirenèus Atlantics e la region d'Aquitània. Qu'apartiengó a Labord au sègle XII, arron n'estó desligada. Totun, qu'ei generaument citada dens las listas de comunas de Labord. Qu'estó lo sièti d'ua senescaucia segondària dependenta de la Senescaucia Principau de las Lanas. Que hè partida deu "Bascoat" dens lo sens de la lei Pasqua de 1995.

Lo gentilici qu'ei baionés -esa.

Lengas

La lenga tradicionau de la conurbacion formada per Biàrritz, Baiona e Anglet (nuclèu deu Baish Ador) qu'ei l'occitan (gascon), segon las enquistas filologicas deus sègles XIX e XX (vejatz en particular l'Atlas linguistique de la Gascogne), mes que i a ua hòrta preséncia deu basco deguda a ua immigracion rurala recenta de l'arrèrpaís bascofòn. En tot cas la lenga dominanta i es lo francés dempuish lo sègle XX. Los movements culturaus locaus que revendican l'occitan e lo basco e qu'an obtengut ua senhalizacion trilingüa en francés, en basco e en occitan.

Los movements occitanistas que revendican lo Baish Ador (dab Baiona) coma ua part d'Occitània, qu'es çò que hè en particular l'associacion culturala locala Ací Gasconha. Los movements basquistas que'u revendican coma ua part deu Bascoat.

Lòcs remarcables

• Castèth Vielh
• Catedrau
• Claustre
• Pòrta d'Espanha
• Ciutadèla
• Muralhas
• Comuna-Teatre
• Cais de la Niva
• Musèu Basco e de l'Istòria de Baiona
• Musèu Bonnat
• Glèisa de Sant Andrieu
• Castèth Nau
• Glèisa deu Sant Esperit
• Sinagòga
• Jardin botanic

Arreproèr

• A Baiona, tot que s'i dona ; quan ès arribat, tot qu'es dat.

Ligams extèrnes

Baiona en 2005, INSEE

• Portau de Gasconha