Golf de Gasconha

Aqueth article qu'ei redigit en gascon.
Un article de Wikipèdia, l'enciclopèdia liura.

Lo Golf de Gasconha (en anglés sus la mapa: “Bay of Biscay”)
Lo Golf de Gasconha o “Mar Cantabrica”, segon la vision espanhòla
Lo Golf de Gasconha a Arcaishon (Occitània)
Lo Golf de Gasconha a Biàrritz (Occitània)
Las còstas deu Golf de Gasconha: Sant Joan de Gaztelugatxe a Bermeo (Bascoat)
Ròcas sus la còsta deu Bascoat

Lo Golf de Gasconha (en basco Bizkaiko golkoa o Kantauri Itsasoa; en espanhòu golfo de Vizcaya o mar Cantábrico; en francés golfe de Gascogne; en anglés Bay of Biscay) qu’ei un golf gran de l'Ocean Atlantic situat a l'oèst d'Euròpa. En anant dempuish lo nòrd de Galícia dinc au sud de Bretanha, que confronta las còstas de Galícia, d’Espanha, deu Bascoat, d'Occitània, de França e de Bretanha. E en tèrmes d'estats, que confronta Espanha e França.

Concepcions espanhòlas deu Golf de Gasconha[modificar | Modificar lo còdi]

Existishen autas concepcions, frequentas en espanhòu, qui conceben lo Golf de Gasconha segon duas visions contradictòrias.

  • A còps lo tèrme espanhòu "Mar Cantabrica” (mar Cantábrico) que cobrish tot lo Golf de Gasconha mentre que lo tèrme “Golf de Biscaia” (golfo de Vizcaya) e’s limita a la partida orientala de la mar.
  • D’autes còps, lo tèrme espanhòu “Golf de Biscaia” (golfo de Vizcaya) que cobrish tot lo Golf de Gasconha mentre que lo tèrme "Mar Cantabrica” (mar Cantábrico) e’s limita a la partida meridionala de la mar qui ei près de la Peninsula Iberica.

Fauna[modificar | Modificar lo còdi]

Lo litorau qu'ei l'airau de l'abitat de hèra ausèths, que la majoritat non s'i reprodusishen pas mes qu’i son tròp coneguts e las lors vesitas i son pro frequentas. A maugrat de la hòrta pression cinegetica, hèra d'anatidèus limicòlas e autes ausèths marins que son cada an obligats de crotzar lo golf, que s’i pausan e que's noirishen dens las suas còstas, los sons estuaris e las suas paluns gaireben desaparegudas.