Golf de Gasconha
Un article de Wikipèdia, l'enciclopèdia liura.
[modificar] Primèra definicion
Lo golf de Gasconha o lo golf de Biscaia o la mar Cantabrica (en basc Bizkaiko golkoa / Kantauri Itsasoa; en espanhòu golfo de Gascuña / golfo de Vizcaya / mar Cantábrico; en francés golfe de Gascogne / golfe de Biscaye / mer Cantabrique) es un golf gran de l'ocean Atlantic situat a l'oèst d'Euròpa. En anant dempuish lo nòrd de Galícia fins au sud de Bretanha, confronta las còstas de Galícia, Espanha, deu Bascoat, d'Occitània, França e Bretanha, e en tèrmes d'estats, confronta Espanha e França.
[modificar] Segonda definicion
Existeish ua auta concepcion, subertot utilizada dens l'estat espanhòu, e pro ispanocentrista, segon la quau:
- La mar Cantabrica seré ua mar litorala de l'ocean Atlantic que banharé la còsta nòrd de la peninsula Iberica. S'espandiré dempuish la punta d'Estaca de Bares (Galícia) fins a l'embocadura deu riu Bidassoa (au mitan deu País Basc e exactament au limit deus estats espanhòu e francés).
- Lo golf de Gasconha (o golf de Biscaia) seré pas qu'un annèxe orientau de la mar Cantabrica (lo son "hons" d'ua certana manèra). Situat a l'èst de Bidassoa, que seré la partida que banharé las còstas de l'estat francés (País Basc septentrionau e Gasconha).
Aquera definicion espanholista non precisa pas guaire la plaça exacta de las còstas francesas e bretonas.
[modificar] Ausèths de la còsta
Lo litorau qu'ei l'abitat de hèra ausèth, que la majoritat non s'i reprodusissen pas mes que i son en tròp coneishuts e las loas visitas i son pro frequentas. Las còstas, los estuaris e las paluns gaireben desapareishudas que son, a maugrat de la hòrta pression cinegetica, un airau on reposan e on se noiren miles d'anatids limicòls e d'autes ausèths marins que son cada an obligats d'ac crotzar, com Actitis hypoleucos, Motacilla alba, Calidris maritima, Larus ridibundus, Larus argentatus, Falco peregrinus, Melanitta nigra, Phalacrocorax aristotelis, Phalacrocorax carbo, Alca torda, Arenaria intepres, Uria aalge, Podiceps nigricollis, Gavia stellata, Somateria mollissima, Sterna sandvicensis, Alcedo atthis...
