Sit web

Un article de Wikipèdia, l'enciclopèdia liura.

Un sit web o sit Internet es un ensemble de paginas connèxas contenent d'imatges, de las videos, dels iperligams e autras elements digitals qu'es religada a l'utilizator pel mejan d'un navigator de recèrca[1] e/o per son adreça de ressorsa.[2]

Terminologia[modificar | Modificar lo còdi]

Etimologia[modificar | Modificar lo còdi]

Quand lo World Wide Web es estat creat, al CERN, foguèt nommat segon son creator Tim Berners-Lee. Comparèt sa creacion a una tela. Cada nos d'aquela tela es un luòc virtual ont se tròban dels ipertèxts. Coma lo mot anglés per luòc es sit (egalament derivat del latin «situs», («sit, luòc») quand las gents se volián referir a un luòc sul web, parlavan sit web; un novèl concèpte de nos ont i a un ensemble de ipertèxts.

Atal nomenats, lo Web e sos sits web son venguts mondialament coneguts e lors noms emplegats dins de nombrosas lengas. En anglés, caliá utilizar lo qualificatiu Web davant sit, per o diferenciar d'autres usatges que lo mot a dins aquela lenga, ont significa «local». Mas quand lo contèxt indicava clarament que lo se parlava del Web , sufisiá de dire «sit».

Descripcion[modificar | Modificar lo còdi]

Estructura[modificar | Modificar lo còdi]

Un sit web es accessible sus l'Internet per son ligam de ressorsa, que presenta generalament la pagina d'acuèlh del sit e del contengut de las paginas segondàrias, joignable pel menut e los elements. L'estructura de l'adreça d'un sit o LRU es la seguenta:

  • www: World Wide Web
  • nom de domeni: sistèma de noms de domeni, DNS.
  • domeni de primièr nivèl: domeni de primièr nivèl, TLD.

Tipologia[modificar | Modificar lo còdi]

  • Portal Internet - es generalament multitematic, ofrís un accès a una varietat d'informacions. Los portals presentan d'informacions del mond, de la region o tractan d'un subjècte especializat balhat. Son en qualque mena dels jornals, dels setmanièrs o dels mesadièrs transferits sus una plataforma electronica amb un mai grand nombre d'edicions. Se pòt distinguir los portals locals, nacionals o femenins o masculins.
  • Portal vertical (vortal) - un portal especializat, publicant d'informacions d'un domeni (musica, cinèma, automobila, programas informatics, etc.)
  • Monetic – accès a un compte bancari per un ordenador connectat a Internet
  • Blòg – jornal privat en linha
  • Ret sociala - un luòc d'escambi d'informacions entre internautas avent d'interèsses similars fòrums de discussion , gats)
  • Botiga en linha - vos balha la possibilitat de crompar o de vendre de produits en linha
  • Sit de pichonas anóncias - un sit Web que vos permet de publicar d'anóncias e de los consultar, e donc de far correspondre las partidas a la transaccion (crompaire amb vendeire)
  • Bibliotèca numerica – vos permet de partejar en linha de publicacions numericas e de las publicacions papièr tradicionalas numerizadas
  • Servici de publicitat - un endrech ont l'organizacion mena d'activitats promocionalas e fa la publicitat de sos produches o activitats
  • Site corporate – a per mira de presentar una organizacion o una entrepresa granda, sas activitats e/o sos produches
  • Servici de formacion - es orientat sus la promocion, l'aquisicion e l'expansion de las coneissenças
  • Servici de divertiment - prepausa de divertiments al sens larg: musica, jòcs, fòtos e videos amusantas, erotisme
  • Sit de servicis – presenta lo mai sovent de las ofèrtas de societats de servicis.

Referéncias[modificar | Modificar lo còdi]

Vejatz tanben[modificar | Modificar lo còdi]

Ligams extèrns[modificar | Modificar lo còdi]