Republica de Kosova
| |||
| Lengas oficialas | albanés, sèrbe | ||
| capitala populacion (an) |
Prishtina o Priština 500 000 abitants (2000) | ||
| |||
| President | Vjosa Osmani | ||
| Primièr ministre | Albin Kurti | ||
| Superfícia | 10 912 km2 | ||
| Populacion | 2,2 milions (est. 2005) | ||
| Densitat | 220 ab./km2 | ||
| Moneda | èuro | ||
| |||
Kosova o Cossòva (en albanés: Kosovë; en sèrbe: Косово, transcrich Kosovo), oficialament la Republica de Kosova (en albanés: Republika e Kosovës; en sèrbe Република Косово, transcrich Republika Kosovo) es un estat europèu sens accès a la mar, amb reconeissença parciala de la Comunautat Internacionala, situat dins los Balcans. Confronta Albania a l'oèst, Montenegro al nòrd-oèst, Serbia al nòrd-èst e Macedònia del Nòrd al sud. La capitala es Pristina e lo gentilici es kosovar -a. (var. cossòvar -a). La populacion atenhiá 2,2 milions d'abitants sus una superficia de 10 912 km².
A declarat son independéncia de Serbia lo 17 de febrièr de 2008. Après la declaracion unilaterala d'independéncia, mai d'una centena d'Estats dins lo mond l'an oficialament reconeguda, aital coma la majoritat granda dels Estats de l'Union Europèa (22 dels 27 Estats membres, 81 %). Demest los païses que l'an reconegut figuran Albania, lo Reialme Unit, Alemanha, França, los Païses Basses, Soïssa, Austràlia o los Estats Units. D'autres, pasmens, s'i opausan e o reconeisson pas, coma Serbia ela meteissa, Russia, Grècia, Romania, Espanha, Argentina, Brasil o Africa del Sud. En tot, Kosova es reconeguda per 98 dels 193 (51%) Estats membres de l'ONU.
La populacion se compausa de dos grops etnics principals: los albaneses que son fòrça majoritaris amb 92 % e los sèrbes que son fòrça minoritaris amb 4 % (estimacions de 2002-2003). Lo sèrbes i foguèron majoritaris fins al mitan o a la fin del sègle XIX.
Isòria[modificar | modificar la font]
Independéncia de Kosova[modificar | modificar la font]
Abans 2008, Kosova formava oficialament una província autònoma del sud de Serbia (amb lo nom sèrbe oficial de Косово и Метохија, Kosova e Metòijà, abreujat en Космет, Kosmet). Uèi lo jorn, l'Estat de Serbia considèra que Kosova es encara una part integranta de son territòri.
Mas tre 1999, en seguida d'un conflicte armat qu'aviá opausat l'estat sèrbe amb la majoritat albanesa del país, Kosova s'èra mes sota l'administracion de las Nacions Unidas amb una quasi-independéncia de fach.
Kosova declarèt son independéncia lo 17 de febrièr de 2008 per rapòrt a Serbia. Aquela independéncia, ara, un certan nombre d'estats la reconeisson, en particular Albania e los Estats Units; e dins l'espaci occitan, Mónegue, França e Itàlia. La majoritat dels estats de l'Union Europèa an reconegut l'estat kosovar o an anonciat lor intencion de lo reconéisser (las solas oposicions dins l'UE venon d'Espanha, Eslovaquia, Romania e Chipre). Los estats de Serbia e de Russia refusan energicament de reconéisser aquela independéncia.
Vejatz Reaccions internacionalas a la declaracion d'independéncia de Kosova (en anglés).
Annèxas[modificar | modificar la font]
Ligams intèrnes[modificar | modificar la font]
Ligams extèrnes[modificar | modificar la font]
- (en) Assemblada de Kosova
- (en) Ofici del Primièr Ministre de Kosova
- (en) Presidéncia de la Republica de Kosova
- (en) New Kosova Report - Portal de nòvas tocant Kosova
- (en) Portal oficial del torisme en Kosova
- (sr) Serbia - Ministèri de Kosovo i Metohija
