Guèrras Napoleonencas

Un article de Wikipèdia, l'enciclopèdia liura.
Sauter à la navigation Sauter à la recherche

Las Guèrras Napoleonencas qu'estón la seria de guèrras qui avón lòc en Euròpa durant lo Purmèr Empèri de Napoleon Bonaparte en França. Que son en part lo resultat de las guèrras engendradas per la Revolucion Francesa de 1789. N'existís pas de consensus suu lor punt de partença. Mei d'un que considèra que comencèn quand lo generau Bonaparte pren lo poder, en noveme de 1799. D'autes que prolongan las guèrras de la Revolucion Francesa dinc a 1802, e qu'estiman que la declaracion de guèrra enter França e lo Reiaume Unit en 1803, après lo cort periòde de patz qui seguís lo Tractat d'Amians (1802), qu'ei lo punt de partença de las Guèrras Napoleonencas. Que s'acaban lo 20 de noveme de 1815, après la des·hèita de Napoleon a Waterloo e dab lo Dusau Tractat de París.