Convergéncia Occitana

Un article de Wikipèdia, l'enciclopèdia liura.
Sauter à la navigation Sauter à la recherche


Convergéncia Occitana es un collectiu associatiu aplegant un seissantenat d'associacions engatjadas per la cultura occitana dins la region de Tolosa.

Foguèt creat lo 20 de julhet de 1998 a Tolosa. Mas enlà dels problèmas d'intendéncia, se tractava pel collectiu de determinar e endralhar una vertadièra politica culturala Occitana per Tolosa.

Lògo ancian de Convergéncia occitana

Aqueste dialòg bastideire foguèt l'escasença d'evidenciar qu'aquesta politica deu anar fòrça mai luènh que la preservacion o la mesa en valor del nòstre patrimòni cultural mas s'inscriure subretot dins la modernitat, l'accion e la creacion.

Aquesta estructura de sinergia permetrà a las associacions concernidas de se dotar dels mejans a la nautor dels prètzfaches de complir.

Un dels primièrs objectius en acòrdi amb lo municipi de Tolosa serà la creacion d'un "Ostal d'Occitània", casa comuna e centre nerviós d'aquesta dinamica nòva.

A l'opausat dels provincialismes e regionalismes reductors e passeistas, aquest eveniment istoric es una virada per l'elaboracion d'una politica internacionala a la nautor de la vocacion de la civilizacion Occitana, e d'una capitala coma Tolosa!

Son sèti, l'Ostal d'Occitània se trapa dins l'ostal de Boisson, 11, carrièra de Malcosinat a Tolosa. S'inaugurèt lo 16 de decembre de 2006. Son president actual es Joan Francés Laffont.

Convergéncia Occitana es constituida de[modificar | modificar la font]

Ligam extèrne[modificar | modificar la font]

lo sit internet