Institut d'Estudis Occitans de Nauta Garona

Un article de Wikipèdia, l'enciclopèdia liura.
(Redirigit dempuèi IEO 31)
Lògo de l'IEO 31

L'IEO 31, Institut d'Estudis Occitans, seccion departamentala de Nauta Garona, es la seccion departamentala per Nauta Garona de l'Institut d'Estudis Occitans, associacion segon la lei de 1901 creada en 1945, reconeguda d'utilitat publica en 1949 e agradada pel Ministèri de la Joinessa e de l'Educacion Populara en 1986.

L’Institut d’Estudis Occitans de Nauta Garona, IEO 31. L’IEO 31 a pas jamai quitat d'èsser un actor màger per la cultura occitana. Obrèt particularament per la preséncia de l'occitan dins l'ensenhament public del primari fins a l'universitat. Ara, al moment ont existís un vam pròpri per l'ensenhament de l'occitan dins lo mitan escolar, l'IEO 31 fa fàcia a una autra demanda, la del public adulte.

Dempuèi 1998, l’IEO 31 organiza son accion per respondre a aquesta demanda nòva, en tot s’apiejar sus sas cinc accions fondamentalas :

  • La socializacion de la lenga
  • La difusion de libres
  • L’ensenhament de l’occitan pels adultes e lo talhièr de practica del cant polifonic occitan e mediterranèu
  • Lo Festenal Occitània e las animacions : programacion de seradas concèrts, teatre, conferéncias, debats... Cada an a Tolosa e dins son ròdol.
  • Engenhariá folclorica

L’adesion a l’IEO 31 es de 30 € (tarifa plena) o 12 € (estudiants, caumaires, RMIstas) e 38 € (coble, associacion). Dona dreit a un abonament a la revista bimensuala "Anem Occitans!"

En 2008, l'IEO 31 editèt lo primièr metòde de fonologia del lengadocian.

Lo sèti social de l'associacion es a l'Ostal d'Occitània de Tolosa.

Ligam extèrne[modificar | Modificar lo còdi]

Sit internet