Ostau dau País Marselhés

Un article de Wikipèdia, l'enciclopèdia liura.
Anar a : navigacion, Recercar

L'Ostau dau País Marselhés (OPM) es una associacion culturala regida per la lei de 1901 e creada en 2000. Seis estatuts senhalan sa volontat de metre en valor la lenga e de la cultura occitanas dins lo relarg marselhés. Es au còp afiliat a l'IEO e a la Federacion deis Ostaus de País. L'a gaireben 500 sòcis dins l'associacion e son budget annuau es d'aperaquí 40 000 èuros. Si definís pasmens l'associacion coma bèu premier marselhesa puslèu qu'occitanista stricto sensu. Lo locau associatiu s'atroba dins lo barri de la Plana a Marselha, 18 carriera de l'Olivier (13005).

Activitats regularas[modificar | modificar la font]

Cors de lenga[modificar | modificar la font]

L'Ostau dau País Marselhés organiza cada setmana un cors d'occitan per lei sieus sòcis. Aquelei cors an per amira l'aprendissatge de la lenga d'òc mai tanben la descubèrta de sa cultura, en fent plaça a mantun tèxte eissit dau patrimòni d'òc dins l'ensems de son territòri.

Talhier de violon[modificar | modificar la font]

Talhier de violons prepausats per Christian Fromentin cada setmana. E un dimècres per mes, leis escolans fan un balèti dubert au public a locau de l'associacien.

Talhier de tamborins e cants de Sud d'Itàlia[modificar | modificar la font]

Talhiers animats cada dijòus per Maura Guerrera

Kabar[modificar | modificar la font]

Cada darrièr divendres dau mes, l'Ostau prepausa a sei sòcis un Kabar Kreòl ambé d'associaciens de l'Ocean Indian.


Activitats pontualas[modificar | modificar la font]

Publicacions[modificar | modificar la font]

En 2003, l'Ostau dau País Marselhés publiquèt lei Cançons Provençalas de Victor Gelu, adaptadas a la grafia classica amb una novèla traduccion e un C.D. recampant d'artistas variats. Aquela novèla edicion foguèt denonciada per un agropament d'escriveires provençaus per escandalosa, estent sa normalizacion grafica qu'anava au còntra de la volontat de Victor Gelu que revendicava la non-coeréncia de son biais de transcriure l'occitan. l'Ostau publiquèt tanben en 2010 un recuelh de poesias mesas en musica per d'artistas occitans, e que recampa de poèmas inedits de l'autor arlatenc Rotland Pecot. En 2006, se publiquèt en cò deis Edicions Agone una Istòria Universala de Marselha, escricha per un dei fondadors de l'associacion, Alessi Dell'Umbria.

Conferéncias[modificar | modificar la font]

L'Ostau organiza de conferéncias aguent per tòca de subjèctes divèrs, pas forçadament liats a la lenga e la cultura d'Òc. Demieg leis intervenents, Felip Martèl, Renat Mèrle, André Gabriel, Camilha Martèl, mai tanben de cabils, tant coma de creòls presentant sa cultura.

Concèrts / Balètis[modificar | modificar la font]

L'Ostau organiza pontualament de concèrts e de balètis, que siegue en plen èr ò dins son locau.

Festival[modificar | modificar la font]

Cada annada l'Ostau participa a l'Estiva de Rodès e a la festà dau Dalfin (Uvernada) dins lei Valadas occitanas, mai tamben a d'eveniments d'un biais mai ponctuau.

Collaboracions[modificar | modificar la font]

L'Ostau collabòra dins seis activitats amb fòrça associacions, que siegan especificament ligadas a la dinamica occitana o non : Massilia Chourmo, Lo Liame, la Companhiá dau Lamparò, IEO-13, CREO Provença, etc

Vejatz tanben[modificar | modificar la font]

Liames intèrnes[modificar | modificar la font]

Liames extèrnes[modificar | modificar la font]