Musica d'Òc

Un article de Wikipèdia, l'enciclopèdia liura.

Musica d'Òc es una associacion occitana de Tolosa.

Una Orquèstra novèla de musica classica per Occitània, per la diversitat del seu territòri e pel seu repertòri musical, constituida jos forma d'associacion segon la lei de 1901, que recampa de musicians professionals joves enquadrats per de membres de l'Orquèstra del Capitòli de Tolosa. Noveleta orquèstra dins lo païsatge musical de Miègjorn-Pirenèus, MUSICA d'ÒC es un ensemble de joves professionals regionals espatlats per de quadres de l'Orquèsta del Capitòli de Tolosa, dirigit per lo Claudi Robisson, que son ambicion es de portar pertot en Occitània lo messatge de benaürança, de pertatge e de convivialitat de la Musica Classica en general e del repertòri regional en particular.

Musica d'Òc es tanben una orquèstra de geometria variabla : En formacion d'orquèstra de cambra, se compausa de dotze musicans repartits entre violons, violons altos, violoncèls e contrabassa. A aquela sòla de quatuor de còrdas se pòdon ajustar d'instruments de l'armonia, flaüta, graile, còrn, e trompetas, e mai timbalas en foncion de l'òbra jogada. Los diferents tipes de formacion possibles (orquèstra de cambra - 12 musicians-, orquèstra tipe " Mozart " - 20 a 30 musicians- o formacion sinfonica mai complèta) atal coma l'estructura associativa causida per gerir aquela orquèstra novèla facultant una adaptacion aisida als luòcs, a las escasenças e als budgets mai divèrses. Tre lo començament, Musica d'Òc recebèt un acuèlh fòrça calorós e amistadós dels publics encontrats, confirmant que la mission de difusion de la musica, que desira d'assumir alprèp de collectivitats pichòtas e mejanas en particular, respond perfièchament a un besonh cultural, identitari e legitim.