ADOC Tarn

Un article de Wikipèdia, l'enciclopèdia liura.

L'ADOC Tarn, Agéncia de Desvolopament de l'Occitan de Tarn es una associacion segon la lei de 1901, creada en 2004 e que trabalha dins los domenis de l'economia e del torisme. Son prètzfach es de provar que la lenga e la cultura occitanas son d'atots prigonds per la creacion e l'avalorizacion dels produches. Aquel objectiu es integrat dins la concepcion de projèctes divèrses tocant al comèrci, servicis, comunicacion, creacion d'animacions, de produches, de circuits e animacions toristicas. Un partenariat se pòt far amb d'associacions, las institucions, d'entrepresas, comèrcis, artesans, restaurants, sindicats professionals, etc.

Qualques projèctes en cors :

  • Economia : manifestacions amb l'Ostal d'Occitània de Tolosa ; creacion de la Mònà occitana-catalana (pastís de chocolat)
  • Torisme : circuits sul Catarisme dins Tarn ; circuits dins Albigés e Roergue ; integracion dins l'associacion PARATGE per la creacion d'un Espaci del Catarisme e de la Crosada a Albi
  • Animacions : taulièr de venda a l'Estivada 2007 de Rodés ; repaisses del Bram del cèrvi ; acuèlh del CAOC (decembre de 2007)
  • Servicis : creacion d'un chequièr occitan-francés amb una banca