Comèdia Occitana Tolzana
Comèdia Occitana Tolzana es una associacion segon la lei de 1901.
Associacion de comedians d'expression occitana, de vocacion locala e regionala, mas tanben panoccitana, que sos buts màgers son d'obrar per l'educacion populara (promocion de la lenga e de la cultura occitanas pel biais del teatre), de promòure lo Teatre occitan, e de formar de comedians d'expression occitana, lo tot dins lo encastre d'un professionalisme teatral assegurant una qualitat artistica màger.
Realizacion
[modificar | Modificar lo còdi]- Lo Mètge per fòrça de Molière (Le Médecin malgré lui. 1980-1984).
- Velhada Pèire Godolin pels 400 ans de sa naissença (1980-1981).
- L'endevinhaire ( 1982 ), del Max Roqueta, enregistrat per la television regionala.
- L'Opèra d'Aubais e Lo Tesaur de Sustancion, pastoralas del sègle XVIII del Joan Baptista Fabre (1983-1984).
- De disques : - Contes d'Andrieu Lagarda e d'Anfós Daudet (1977). Lo Mètge per fòrça de Molière (1982).
- Godolin !... Godolin !... (1999) represa de la velhada dedicada al poèta tolzan. Un CD que presenta lo recital es sortit en 2008.
- Lo glossari de Max Roqueta, creat al mes de mai de 2002.
- Contes e cançons en lenga nòstra, creats atanben en mai de 2002.
- Sortilègis per rire que recampa L'endevinhaire del Max Roqueta e Lo sorcièr repentit de Frederic Cairon, creats en març de 2006.
- Antigòna de Sofòcles, en dubertura de l'Estivada de Rodés lo 18 de julhet de 2006, amb sos 7 comedians, 3 figurants, 9 coristas et 3 tecnicians.
Projèctes
[modificar | Modificar lo còdi]- Poèmas, contes e cançons de totas las colors, amb duèl poesia classica / slam, en preparacion.
- un DVD avodat als Sortilègis per rire
Coordenadas
[modificar | Modificar lo còdi]Comèdia Occitana Tolzana
5 carrièra François Aubry
31500 Tolosa
Responsable : Maurici Andrieu.