TRIÒC
L'associacion T.R.I.Ò.C. (« Tolosa sa Region son Identitat Occitana ») es estada creada en 1986. Dempuèi, trabalha a difusar e promòure la musica occitana emai la lenga pel mejan del cant.
Lo supòrt màger de l'associacion es lo trabalh menat suls instruments de musica de canavèra dels Païses d'Òc, del Bacin Mediterranèu e d'otra-atlantic e, per plan dire de Bolívia. L'associacion difusa aquelas musicas de canavèra en las ensenhant dins las escòlas de musica, en intervenent en mitan escolar, en fasent de concèrts e en gravant disques e DVD.
Se tròba tanben al dedins de l'associacion un obrador de laütariá per fabricar d'instruments de musica de canavèra e per ensenhar aquelas tecnicas de fabricacion.
L'associacion a ja creat fòrça espectacles e de disques:
- Canavèra " en vie ...brations"
- Vent de Solana, lo DVD del concèrt Vent de Solana
- Cants Sacrats e Cançons Profanas dels Païses d'Òc
- Jòi de Levant, Ressons
- "Patchwork" ( Passejada en Canavèra ).
Es paregut tanben un libre: «Fabricar son instrument de musica de canavèra» e se pòt veire una mòstra en quatre lengas (occitan, espanhòl, francés e anglés) sul sicut de las utilizacions divèrsas de la canavèra tant dins la vida vidanta coma en musica.