Anular (anatomia)

Un article de Wikipèdia, l'enciclopèdia liura.
L'anular

L'anular (popularament lo det de l'anèl, l'esposelet) es lo quatren det de la man pe l'Òme e los grands monins, situat entre lo det long e l'auricular. Son nom ven de anèl, perque es un det que pòrta l'anèl del maridatge.

Lo nom[modificar | Modificar lo còdi]

Lo nom ven del fach qu'es a aquel det que pòrta mai sovent los anèls e las bagas, subretot l'aliança, simbolizant lo maridatge. Segon una cresença egipciana transmesa pels Romans, una vena, Vena Amoris (« Vena de l'amor »), passa dins aquel det de la man esquèrra e va dirèctament al còr. Dans dins d'autres langas, lo sens es diferent:

  1. Lo det medical: de culturas li atribuisson de poders magics, coma la dona de sonhar:
    • alemand : Arztfinger (det del doctor)
    • ongrés : orvos ujj (det del doctor)
    • japonés : kusuri-yubi (det del medicament)
    • latin : digitus medicinalis (det de la medecina)
  2. Lo det anular, que porta l'anèl:
    • angles : ring finger (det de l'anèl)
    • alemand : Ringfinger (det de l'anèl)
    • ongrés : gyűrűsujj (det de l'anèl)
    • italian : anulare (det de l'anèl)
    • latin: digitus annularis (det de l'anèl)
    • francés: annulaire (anular)
    • catalan: anular dit anular o dit de l'anell (det anular)
  3. Lo det sens nom, benlèu atal nomenat per paur de sa "poténcia" :
    • bulgar : bezimen pryst (lo det sens nom)
    • finés : nimeton sormi (lo det sens nom)
    • ongrés : nevetlen ujj (lo det sens nom)
    • japonés : nanashi-yubi (lo det sens nom)
    • latin : digitus medio proximus (lo det a costat del mitan)
    • mandarin : wúmíngzhǐ (lo det sens nom)
    • Persan : binàme (lo det sens nom)
    • rus : bezymyannyi palets (lo det sens nom)
    • sanskrit : anáman (lo det sens nom)
    • tatar : atsyz parmak (lo det sens nom)
    • turc : adsız parmak (lo det sens nom)

Biologia[modificar | Modificar lo còdi]

L'anular es lo primièr det a se formar pendent lo desvelopament del fètus.

Mercé a l'indici de Manning, lo rapòrt entre la longor de l'indèx e aquela de l'anular permèt de determinar dirèctament lo sèxe d'un individú[1]. Aquò permetèt a una equipa del CNRS de determinar l'apartenéncia sexuala de las emprentas de la mans trobadas dins las espelugas preïstoricas de Gua Masri, a Bornèo, e de l'Espeluga crosquer, près de Marselha[2].

Nòtas e referéncias[modificar | Modificar lo còdi]

  1. (en) J. T. Manning, Digit Ratio, a Pointer to Fertility, Behaviour and Health, Rutgers University Press, 2002.
  2. (fr)« Les peintres rupestres n'étaient pas toujours des hommes », dins Le Monde,

Articles connèxes[modificar | Modificar lo còdi]