Embonilh
L'embonilh (monilh), es una cicatritz fibrosa de la paret anteriora de l'abdomèn, qu'aparéis a la seguida de la casuda del cordon ombilical pels recent nascuts apartenent a la classa dels mamifères placentaris. Es la rèsta de la circulacion fetala e, mai abans, de l'inflexion embrionària.
Dipak Etimologia
[modificar | Modificar lo còdi]
Lo mot origina en latin classic es umbilicus, que demora l'adjectiu ombilical. Tanben existís lo mot vedilh per designar lo cordon qu'a la mèsma origina que ''budèl'' botellus.
Anatomia umana
[modificar | Modificar lo còdi]
L'embonilh es una cicatritz fibrosa situada al nivèl de la paret anteriora de l'abdomèn, formada per la casuda del cordon ombilical que demora encara en mejana vèrs 10 jorns de vida. Al nivèl de la fàcia extèrna (anteriora) d'aquesta paret, es situada medialament, a la mitat de la linea alba, entre los dos muscles drechs. Al nivèl de la fàcia intèrna (posteriora) de la paret abdominala anteriora, l'embonilh es ligat en naut al fetge pel ligament redond del fetge, e en bas a la vessiga pel ligament ombilical mejan. De cada costa d'aqueste ligament se trapan los plecs ombilicals mejans que ligan l'embonilh a las parets lateralas de la cavitat pelviana. Lo ligament redond es la rèsta de la vena ombilicala, lo ligament ombilical mejan es la rèsta de l'urac e los plecs ombilicals mejans son las rèstas de las artèrias ombilicalas.
L'embonilh es situat al nivèl del disc entre las tresena e quatrèna vertèbras lombaras. En medecina, constituís un punt de marca important. L'embonilh es innervat per la desena par dels nervis intercostals.
Variacions
[modificar | Modificar lo còdi]Pels uman, los embonilhs son fòrça variats tan en talha, coma en forma, qu'en prigondor o encara en aparéncia globala. La cicatritz pòt paréisser jos la forma d’una depression o d’una protuberància, d'un diamètre variant entre 1 e 2 centimètres.
Perque es una cicatritz, l'ambonilh es pas considerat coma un caractèr ereditari. Alara es un metòde par destriar dos bessons.
Patologia
[modificar | Modificar lo còdi]
Per l'enfant, la ernia ombilicala es un defaut benin de tampadura de l'embonilh. Per l'adult, la paret abdominala presenta al vesinat de l'embonilh una zona de flaquesa, podent èsser lo luòc d’una ernia ombilicala o paraombilicala.
Las anomalias de tampadura de la paret anteriora coma lo laparosquisis e l'omfalocèl son de patologias mai grevas.
Significacions culturalas
[modificar | Modificar lo còdi]- Per Platon, l'embonilh es la cicatritz daissada pel castig divin, mutilacion que nos separèt d’una partida de nos mèsmes (castig dels ermafroditas dins lo Banquet).
- Segon la « tèsi de l’anomfalia » (ou anomfalisme) debatuda pels teologians josieus a partir de l'Edat Mejana, Adam e Èva seriá estat desprovisits d'embonilh qu'avián pas de maires que los aurián ajagut. Lo pintre Jean-Baptiste Santerre n'èra un grand partisan. Cal notar que dins lo capítol 35 de l’Evangili de Barnabèu, Jèsus raconta que l'embonilh d’Adam es la traça de l'escopit de Satan sus grèsa que Dieu utilizèt, per faiçonar le primièr òmes[1]
