Bulgar
(bg) български
(bg) bălgarski
| |
---|---|
Parlat en | Bulgaria, Ucraïna, Moldàvia, Serbia, Romania, Macedònia, Grècia e Turquia. |
Regions | Balcans |
Classament pel nombre de locutors | 88ena |
Tipologia | SVO [1] |
Familha lingüistica | grop indoeuropèu Baltoeslau |
Estatut oficial | |
Lenga oficiala de | Bulgaria |
ISO 639-1 | bg (en) |
ISO 639-2 | bul (en) |
ISO 639-3 | bul (en) |
ISO 639-6 | bul (en) |
Parent | svse (en) |
Tipe | L (lenga viva) |
Mòstra | |
Article primièr de la Declaracion dels Dreches de l'Òme Член 1 |
Lo bulgar (autonim: български, /ˈbɤɫɡɐrski/ bǎlgarski) es la lenga principala de Bulgaria, e sa lenga oficiala. Lo bulgar es una lenga qu'aperten al grop de las lengas eslavas meridionalas de la familha de las lengas indoeuropèas, e es fòrça pròche del macedonian que d'unes considèran coma un dialècte del bulgar. La lenga a 12 milions de locutors. Tanben foguèt la primièra lenga eslava que produguèt una literatura, e la forma del primièr estadi d'aquesta lenga serviguèt de lenga eclesiastica per la Glèisa Ortodòxa. Lo bulgar s'escriu amb l'alfabet cirillic, amb pasmens qualques diferéncias a respècte del rus. Se compausa en efièch de 30 letras, e la prononciacion del bulgar es pro diferenta d'aquela del rus.
Lo bulgar es un cas particular dins l'ensems de las lengas eslavas, amb doas especificitats: es l'unica lenga del grop que possedís pas de flexions de cas, e es l'unica lenga del grop que possedís un article (postpausat). Aquela darrièra particularitat ne fa un dels membres de l'union lingüistica balcanica amb lo romanés, lo grèc e l'albanés. Ça que la lo bulgar a conservat tota la complexitat del sistèma verbal que caracteriza las lengas eslavas.