Mandarin estandard
Aquesta pagina conten de caractèrs chinés. En cas de problèma, consultatz Ajuda:Unicode o testatz vòstre navegador.|
Mandarin estandard
| |
|---|---|
| Parlat en | China, Taiwan, Singapor, Malàisia |
| Regions | Asia de l'Èst |
| Parlat per | 885 milions (100 milions amb un nivèl natiu) personas |
| Classament pel nombre de locutors | 1ena |
| Familha lingüistica | - Lengas sinotibetanas - Lengas chinesas |
| Estatut oficial | |
| Lenga oficiala de | China, Taiwan, Singapor |
| ISO 639-1 | zh (en) |
| ISO 639-2 (B) | chi (en) |
| ISO 639-2 (T) | zho (en) |
| ISO 639-3 | cmn (en) |
| ISO 639-6 | cmn (en) |
| Parent | micr (en) |
| Mòstra | |
| Article primièr de la Declaracion dels Dreches Umans (vejatz lo tèxt en occitan) 第 一 条 | |
Lo mandarin estandard (en caractèrs simplificats : 普通话 ; en caractèrs tradicionals : 普通話 ; en pinyin : Pǔtōnghuà, o en chinés simplificat : 汉语 ; en chinés tradicional : 漢語 ; en pinyin : Hànyǔ « lenga dels Hans », l'etnia dominanta en China) es la lenga oficiala de la Republica Populara de China, Taiwan e Singapor.
Lo mandarin estandard es basat mai que mai sul dialècte mandarin de Beijing. L'ensemble dels dialèctes del mandarin representan la lenga mairala de gaireben 75% de la populacion chinesa mas los qu'an lo mandarin estandard coma lenga mairala son pauc nombroses.
Totun se lo mandarin estandard es mai o mens conoscut per 70% de la populacion (lenga mairala o seconda), un estudi oficial de 2014 mostrèt que sols 7% de la populacion parlava vertadièrament lo mandarin estandard a un nivèl natiu[1]. De fach la majoritat de la populacion viu dins un situacion de diglossia amb un usatge plan dinamic dels dialèctes.
Aquesta diglossia a tres nivèls:
- mandarin estandard e mandarin dialectal
- mandarin estandard e lenga chinesa non mandarina (cantonés, wu...)
- mandarin estandard e lenga non chinesa (mongòl, corean...)
Mai de 30% de la populacion de la Republica Populara de China sap pas brica s'exprimir en mandarin estandard.
