Lei Santei Marias de la Mar

Lei Santas

Vila d'Occitània

Donadas
v · d · m

Lei Santei Marias de la Mar
Saintes-Maries-de-la-Mer
Comuna francesa

Vista aeriana dei Santei Marias de la Mar

Geografia fisica

Coordenadas

43° 27′ 10″ N 4° 25′ 43″ E / 43.45277778, 4.42861111

Superfícia

374,61 km²

Altituds
· Maximala
· Mejana
· Minimala

6 m
2 m
0 m

Geografia politica

Region istorica

Provença

Parçan

Camarga

Estat

França

Region
93

Provença-Aups-Còsta d'Azur

Departament
13

Bocas de Ròse

Arrondiment

Arle

Canton

Les Santes Maries de la Mar

Intercom
ZZZZZZZZZ

ges

Cònsol

Roland Chassain (2008-2014)

Geografia umana

Populacion
Populacion totala
(2010)

2 296 ab.

2 333 ab.

Densitat

6,13 ab./km²

Autras informacions

Gentilici

santenc, a

Còde postal

13460

Còde INSEE

13096

Identificacions d'autoritats

Wikimedia Commons prepausa de documents multimèdia liures sus Lei Santei Marias de la Mar.

Lei Santei Marias de la Mar o correntament Lei Santas (Les Saintes-Maries-de-la-Mer en francés)^[1] es una vila e estacion balneària d'Occitània, en Provença, qu'es tanben un luòc de romavatge, situada dins lo departament dei Bocas de Ròse e la region administrativa de Provença-Aups-Còsta d'Azur.

La vila se situa en Camarga, en riba de la Mar Mediterranèa, aperaquí a 1 km a l'èst dau bocau dau Pichon Ròse.

Istòria [modificar]

Glèisa fortificada

La legenda crestiana cònta qu'un grop d'amics de Jèsus Crist (e entre elei, lei tres Marias, autrament dich, lei Santas) foguèron forabandits de Judèa subre una barca sens vela ni, ancora, ni timon per èsser perduts e negats en auta mar, mai que Dieu lei menèt aicí, en Provença ont evangelizèron lo país.

L'escrivan latin Rufus Festua Avuenus mençona un opidum sonat Oppidum priscum Ra au luòc dei Santas de uei.

Au sègle VI un mostier i foguèt fondat.

Un grop de Vikings passèron lo dur ivèrn de 859-860 avant de saquejar la contrada.

En 869 lo còs de Rotland, Evesque d'Arle, foguèt tornat ai crestians per lei Sarrasins, probablament ai Santas.

La glèisa fortificada foguèt bastida a partir dei sègles XI e XII.

En 1448 subre iniciativa dau rei Rainier, lei relíquias dei Santas foguèron cercadas puei trobadas en preséncia dau legat dau Papa Pèir de Fois.

Santa Sara, la verge negra

A la revolucion la glèisa foguèt deteriorada (puei restaurada au sègle XIX).

Au sègle XIX lei Santas venguèron un luòc de romavatge dei gitans qu'i adòran Santa Sara la verge negra.

Lo baron Folco de Baroncelli-Javon s'i installèt e Vincent van Gogh i pintèt lei plajas e lei barcas.

La mar dei Santas per Vincent Van Gogh

Geografia [modificar]

Lei Santei Marias de la Mar en Camarga

Lo bac del Sauvatge subre lo Pichon Ròse a 4 km dei Santei Marias de la Mar

Lei Santei Marias de la Mar se situan en Provença, subre la riba mediterranèa, en Camarga e a aperaquí un quilomètre a l'èst de la desbocadura dau Pichon Ròse. La comuna, fòrça espandida, compren mai que mai de tèrras alluvialas e de paluns. Lei tèrras agricòlas se situan a l'oèst, lòng dau Pichon Ròse e lei paluns a l'èst onte se tròba l'estanh dau Vacarés. Lei Santei Marias de la Mar son religadas a la vila d'Arles, distanta de 38 km, per la RD 570 e a la pichona Camarga vèrs Aigas Mòrtas e Montpelhièr peu bac dau Sauvatge, lo pont de Selvareau e lo pont de Sant Geli. Una pista permet d'accedir au far de la Gachòla e a aquelei de Beauduc e de Faraman. i a pas de gara mas una linha d'autocars publics permet d'accedir totei lei jorns (quitament lo dimenge) a Arles^[2]. La comuna viu subretot de l'agricultura, de l'elevatge (cavaus, buòus) e dau torisme. La vila bastida a l'entorn de la glèisa dei sègles XI e XII foguèt longtemps embarrada dins sei barris, e sèrva encara uei de traças d'aqueu passat istoric dins la configuracion de seis andronas sovent estrechas.