Folco de Baroncelli-Javon

Un article de Wikipèdia, l'enciclopèdia liura.
Anar a : navigacion, Recercar
Folco de Baroncelli-Javon, dich "lo marqués", 1906

Lo marqués en Folco de Baroncelli-Javon (Ais de Provença, lo 1 de novembre de 1869Avinhon lo 15 de decembre de 1943) foguèt un aristocrata occitan, un escrivan e poèta felibrenc provençau, èra tanben manadièr e gardian.

Poèta de consciéncia politica fòrta, foguèt un grand defensaire dau pòble e dei tradicions camarguencas Pròche de Frederic Mistral e de Josèp Romanilha, fondèt amb elei lo jornau dau Felibritge: l'Aiòli.

Bibliografia[modificar | modificar la font]

Apertenent dau costat de son paire a una vielha familha florentina installada en Provença tre lo sègle XV, nasquèt a Ais de Provença, mas foguèt batejat a Avinhon ont sa familha possediá lo Palais dau Rore. Sei grand mairaus èran d'aristocratas nimesencs qu'encara parlavan provençau malgrat la substitucion de la lenga per lo francés dins las classas aristocraticas a aquesta epòca. Partejèt son enfància e sa joinessa entre Arle , Nimes e Bolhargues. Comencèt d'escriure en occitan a l'atge de 18 ans e durant sei estudis a Nimes, encontrèt Frederic Mistral que li confisèt la direccion de l'Aiòli, lo jornau dau Felibritge. A Bolhargues, en pichona Camarga, au Castèu de Bèla Còsta, au contacte dei cavaus e dei buòus, s'enamorèt de la vida liura mas dura de gardian, e aquistèt la "fe dei buòus". Tanlèu desliurat de la tutèla familhala, venguèt manadièr e s'installèt au mas de l'Amarèu, près dei Santei Marias de la Mar. Ailà fondarà la Manada santenca <Manado santenco> e esposarà la filha d'un proprietari de Castèunòu de Papa que li donarà tres filhas.

Ligams extèrnes[modificar | modificar la font]