Sòrgas

Vila d'Occitània

Sòrgas Sorgues
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
L'ostau de vila vielh.
Armas
Geografia fisica
Coordenadas	44° 00′ 33″ N, 4° 52′ 24″ E
Superfícia	33,4 km²
Altituds  · Maximala  · Mejana  · Minimala	114 m 26 m 14 m
Geografia politica
Estat	França
Region 93	Provença-Aups-Còsta d'Azur
Departament 84	Vauclusa
Arrondiment 842	Avignon
Canton 8405	Bedarrida
Intercom 248400236	Comunautat de comunas dei País de Ròse e Ovesa
Cònsol	Thierry Lagneau (2014-2020)
Geografia umana
Populacion Populacion totala (2018)	18 802 ab. Evolucion de la populacion 19 035 ab.
Densitat	553,89 ab./km²
Autras informacions
Gentilici	Sorguaises, Sorguais (en francés)
Còde postal	84700
Còde INSEE	84129

Sòrgas (Sorgues en francés) es una comuna provençala, situada dins lo departament de Vauclusa e la region de Provença-Aups-Còsta d'Azur.

Istòria

La Segonda Guèrra Mondiala

Après la desfacha de 1940, Sòrgas faguèt partida de la Zòna Liura plaçada sota l'administracion dirècta dau regim de Vichèi. Lo conseu comunau elegit fuguèt suspendut en decembre e remplaçat per una delegacion especiala e un cònsol nomat en foncion de son adeqüacion amb leis idèas de la Revolucion Nacionala promoguda per lo manescau Pétain (conservatisme primari, antisemitisme, anticomunisme, etc.). Pasmens, la populacion aderiguèt pauc an aquela politica e se preocupèt principalament de s'avitalhar. De mai, l'estudi dei letras per la comission de censura de la Pòsta mostrèt l'aparicion rapida de sentiments proanglés e, après la batalha d'Estalingrad, de sentiments prosovietics au sen deis abitants. Mai d'un abitant ajudèt tanben de judieus. En revènge, contunièt la caça ai comunistas, començadada tre 1938, e ais estrangiers (en particular, lei refugiats espanhòus). Fau tanben nòtar la preséncia de centenaus d'obriers vietnamians a la Pouveriera confinats dins l'usina e astrenhuts a de condicions de trabalh fòrça duras.

Après l'ocupacion totala de França en novembre de 1942, Sòrgas fuguèt ocupada per de tropas italianas desmotivadas. Aquò durèt fins a setembre de 1943 e lo començament de l'ocupacion alemanda consecutiva a la capitulacion italiana. La preséncia alemanda fuguèt pus dura amb l'arrestacion de totei lei judieus identificats dins la comuna lo 21 de març de 1944. Pasmens, la consequéncia principala d'aquela ocupacion fuguèt la perturbacion de l'industria locala en causa de la manca de matèrias premieras. Aquela manca èra en partida organizada per leis Alemands, amb l'ajuda dau regim de Vichèi, per favorizar lo recrutament de volontaris per lo Servici de Trabalh Obligatòri (STO) en Alemanha.

En defòra dei mitans comunistas, acostumats a la clandestinitat, la Resisténcia se desvolopèt premier dins leis usinas onte leis obriers èran ostils au STO e au sen dei familhas desirosas d'ajudar au sauvament deis enfants judieus. Lo premier maquís armat fuguèt creat en 1943 per Hubert Marion. Dich maquís Faïta (ò Viala), èra un grop urban que passèt sota lo comandament dau luòctenent Paul Brunet après l'arrestacion de Marion. Inicialament compausat de quatre personas, reüniguèt quauquei desenaus de membres a la fin de la guèrra. Seis accions se concentrèron sus la distribucion de fuelhs per contrar la propaganda de Vichèi, la susvelhança dei tropas alemandas, lo raubament d'armas e de municions e lo sabotatge dei camins de fèrre e dei linhas electricas e telefonicas. Son accion de glòria es son ròtle dins l'evasion dei presoniers d'un tren blocat dins la vila lo 18 d'aost de 1944. En fàcia, lo sostèn a Vichèi fuguèt inicialament important au sen de l'eleit e dei conservators, mai demeniguèt rapidament. L'epuracion de 1945 fuguèt ansin limitada a Sòrgas a l'execucion d'un milician e a la condamancion d'un autre abitants ai trabalhs forçats a perpetuitat. Pus tard, quauquei condamnacions a l'indignitat nacionala fuguèron egalament prononciadas.

La liberacion de Sòrgas se debanèt après lo desbarcament dei tropas francoestatsunidencas en Provença lo 15 d'aost. Rapidament batuda, la Wehrmarcht se retirèt vèrs lo nòrd lòng de la vau de Ròse. Lo 8 de setembre de 1944, un conseu comunau eissit de la Resisténcia fuguèt nomat per lo prefècte.

Administracion

Lista di cònsols successius

Periòde		Identitat	Etiqueta	Qualitat
decembre 2010	2020	Thierry Lagneau	UMP, LR	conselhièr generau (2005-2015), puèi departamentau (2015-)
1989	2010	Alain Milon	UMP	mètge, senator (2004-), conselhièr generau (1985-2005)
1965	1989	Fernand Marin	PCF	regent, deputat (1956-1958, 1967-1968, 1978-1981), conselhièr generau (1973-1985)
	1965
Totas las donadas non son pas encara conegudas.

Demografia

Evolucion demografica Populacion comunala actuala (2013): 18500, totala:
1793	1800	1806	1821	1831	1836	1841	1846	1851
1 500	1 372	1 562	1 891	2 518	2 797	3 045	3 175	3 300
1856	1861	1866	1872	1876	1881	1886	1891	1896
4 085	4 775	4 769	4 550	4 169	4 006	4 122	4 047	4 161
1901	1906	1911	1921	1926	1931	1936	1946	1954
4 248	4 260	4 307	4 617	5 039	5 367	5 508	7 307	7 879
1962	1968	1975	1982	1990	1999	2006	2007	2008
10 538	13 624	15 037	17 112	17 236	17 539	18 411	18 521	18 232 18 438
2009	2010
18 040 18 211	18 046 18 220
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

Veire tanben

• Comunas de Vauclusa