Racisme

Un article de Wikipèdia, l'enciclopèdia liura.
Anar a : navigacion, Recercar
Tièra de 1000 articles que totas las Wikipèdias deurián aver.
Dessenhs que provenon del libre Indigenous races of the earth (1857) de Josiah C. Nott e George Gliddon, que implicavan que los negres èran tant diferents dels blancs que los chimpanzés

Lo racisme es una actitud, que ven sovent una ideologia, qu'en partir de l'idèa qu'existisson divèrsas raças umanas, considera que cèrtes grops de populacion son superiors a d'autres. Lo racisme sovent es focalizat sus un grop etnic o religiós particular coma los jusieus (antisemitisme), una color de pèl (afrofobia) e pòt venir una doctrina d'estat coma foguèt lo cas en Alemanha amb lo nazisme, la segregacion raciala dins lo sud dels Estats Units o l'apartheid en Africa del Sud. Una de las consequéncias mai immediatas d'aquesta discriminacion de las populacions jutjadas inferioras es estada sovent lo colonialisme o l'esclavatge.
Dins la màger part dels païses occidentals, lo racisme es condemnat e los insults racistas pòdon portar a de sancions penalas. Pasmens dins mantun partit d'extrèma drecha europèu, l'ideologia racista es mai o mens assumida e ocultada jos la designacion de nacionalisme o patriotisme.