Gastroenteriti
La gastroenteriti (ò gastro-enteriti) es una malautiá infecciosa caracterizada per una inflammacion dau sistèma digestiu que pòu entraïnar de nausèas, de vòmits, de rampas abdominalas, de flatuléncias, de diarrèas, una desidratacion, de cefalèas e una fèbre. Son origina pòu èsser virala (lei dos tèrç dei cas), bacteriana (consumacion de manjar ò d'aiga contaminat) ò parasitària (sovent en causa d'installacion sanitàrias absentas ò inadequatas).
Malautiá relativament frequenta en l'òme, la gastroenteriti necessita generalament ges de tractament e lo restabliment a luòc après un ò dos jorns. Pasmens, l'infeccion pòu se complicar dins lo cas d'un agravament de la desidratacion. Dins aquela situacion, una espitalizacion pòu èsser necessària.