Francis Cabrel

Francis Cabrel (nom complèt: Francis Christian Cabrel; Agen, 23 de novémer de 1953) ei un cantaire, compositor, autor occitan e francés, d'origina friolana per sos parents.

En 1983, escriguèt ua cançon titolada "Los chivalièrs catars", en omenatge a sa cultura occitana. En 2010 participa a "Giors", un tròç en occitan (en nissart) sus un album deu Corou de Berra. En 2015, sa cançon "In extremis" evòca la diglossia pr'amor de la pression sociala, òm compren que parla de segur de l'occitan, vist que la cançon s'acaba per una version shebitejada deu "Se canta". En 2020, canta un còp mès en occitan en particular suu títou "Rockstars du Moyen Âge" (cançon sortida en single fin 2021), dambe la part en francés revirada en occitan.

Ei tanben vicepresident de l'associacion Votz del Sud. Hèra cançons interpretadas per Francis Cabrel son devengudas classicas de la cançon francesa ("Je l'aime à mourir", "L'encre de tes yeux", "Petite Marie", "Encore et encore", "Je t'aimais, je t'aime, je t'aimerai", "La corrida", "C'est écrit", "Il faudra leur dire"...) e eston reviradas en d'autas lengas.

Fin 1998, lo boys band francés Alliage a représ sa cançon "Je l'aime à mourir".

Fin 2007, lo cantaire francés Johnny Hallyday a représ sa cançon "Sarbacane".

Fin 2011, la cantaira colombiana Shakira enregistrèc sus l'empont una version bilingüa espanhòla-francesa de "Je l'aime a mourir". Aquesta version a conegut un brave resson capvath mantuns païses en 2012.

Lo divendres 13 d'octobre de 2023, Francis Cabrel publica sus un 45 torns "Un morceau de Sicre", una cançon omenatge a la ciutat Mondina mas qu'es tanben un virat d'uèlh a Claudi Sicre.

Lo 18 de setembre de 2025, presenta lo clip d'una cançon titolada "Un gramme de terre", cançon en francés mas mesclada ambe las lengas minorizadas de l’estat francés, l’occitan, lo basc, lo breton, lo catalan, lo còrs, l’alsacian e lo creòl martiniqués. Dins aquesta cançon, l’occitan i es representat per la Provençala Liza e pel Gascon Primaël Montgauzi.

Discografia

Albums enregistrats en estudio 1977: Les Murs de poussière 1979: Les Chemins de traverse 1980: Fragile 1981: Carte postale 1983: Quelqu'un de l'intérieur 1985: Photos de voyages 1989: Sarbacane 1994: Samedi soir sur la Terre 1999: Hors-saison 2004: Les Beaux Dégâts 2008: Des roses et des orties 2012 : Vise le ciel 2015 : In extremis 2020 : À l'aube revenant

Albums en public 1984: Cabrel public 1991: D'une Ombre à l'autre 2000: Double Tour 2005: La Tournée des Bodegas

Compilacions 1987: Cabrel 77-87 1998: Algo más de amor 2003: Aniversario 2007: L'essentiel 1977-2007

Participacions

Interprèt

• 1985: SOS Éthiopie dab lo collectiu Chanteurs sans frontières.
• 1992: Quand j'aime une fois, j'aime pour toujours de Richard Desjardins sus l'album Urgence, 27 artistes contre le sida.
• 1992: Les Passantes sus l'album collectiu Chantons Brassens.
• Dempuish 1992: participacions aus espectacles deus Enfoirés.
• Dempuish 1993: participacions aus albums e concèrts ende l'associacion Sol En Si.
• 1996: Sarbacane sus l'album Merci d'être venus de Jean-Jacques Milteau.
• 1997: Tandem dab Vanessa Paradis sus l'album Le Zénith des Enfoirés.
• 1997: Yo vengo a ofrecer mi corazón dab Mercedes Sosa sus son album Algo más de amor e sus The Best of Mercedes Sosa (Polygram, 1997).
• 2000: Petite Angèle de Daniel Balavoine sus l'album collectiu Hommages...
• 2002: La Complainte de la butte dab Patrick Bruel sus l'album Entre deux.
• 2004: Des nuits trop longues dab Michael Jones sus l'album Prises et Reprises.
• 2006: Gardien de nuit dens lo conte musicau Le Soldat Rose de Louis Chedid e Pierre-Dominique Burgaud.
• 2006: Le Loir-et-Cher dab Michel Delpech sus l'album Michel Delpech &...
• 2008: Pas question d'aventure dab Claude Dubois sus l'album Duos Dubois
• 2008: Giors dab lo Corou de Berra sus l'album 10
• 2011: Les filles à quoi ça sert ? dab Jean-Jacques Goldman, Alain Souchon e Bénabar, per la musica deu filme Titeuf le film
• 2011: Tout reste à faire dab Souad Massi sus l'album O Houria

Reviradas

Lo medish Francis Cabrel hesot un discs de las soas cantas en espanhòu, Algo más de amor, dab « Vengo a entregarte mi corazón » en duo dab Mercedes Sosa. Duas cantas, La quiero a morir (adaptacion de Je l'aime à mourir) e Si algún día la ves (Si tu la croises un jour), son cantadas per frem d'artistas : Marc Anthony, Shakira, Jarabe de Palo, Lajhos, Manuel Garcia...

Cantèt tanben autes cançons en arab damb Souad Massi, en còrs damb Petru Guelfucci, en occitan damb lo Còro de Bèrra.

Jarabe de Palo hesot tanben ua version en italian de La quiero a morir, dab Francesco Renga.

Los cantaires canadians Roch Voisine e Jonas cantan Until Death Do Us Part, adaptacion en anglés de Je l'aime à mourir.

La cantaira chèca Lenka Filipová hesot versions en chèc de duas cantas de Francis Cabrel (Zamilovaná, adaptacion de Je l'aime à mourir; Přestaň si hrát na trápení adaptacion de Une star à sa façon).

Lo cantaire alemand Felix Meyer hesot ua version, en alemand de la canta La corrida (Die Corrida, en l'album Von Engeln und Schweinen).