Diocèsi de Sant Pàpol
La diocèsi de Sant Pàpol (en latin : Dioecesis Sancti Papuli) es una anciana diocèsi de la Glèisa Catolica, creada en 1317 e suprimida en 1801.
Istòria
[modificar | Modificar lo còdi]La diocèsi de Sant Pàpol, en Lauragués, foguèt desmembrada de la Pàmias [1] (desmembrada de la de Tolosa en 1295) le 11 de julhet de 1317, quand le papa Joan XXII erigiguèt l'abadiá de Sant Pàpol en avescat[2],[3] e le faguèt sufragant de l'arquevescat de Tolosa. Per la bulla del 22 de febrièr de 1318, le papa fixèt les limits de la diocèsi novèla en li atribuïssent 44 parròquias de l'anciana diocèsi de Tolosa, sense comptar las annèxas. La diocèsi compreniá Lauragués stricto sensu e una partida de Tolosan. Per exemple, las parròquias d'Avinhonet a Verdun (Lauragués), fins a Ganguisa, apertenguèron a l'avescat de Tolosa d'aquí a 1295, a l'avescat de Pàmias de 1295 a 1318, a l'avescat de Sant Pàpol de 1318 a la revolucion [3].
La diocèsi de Sant Pàpol èra devesida en 5 conferéncias dont les caplòcs èran La Bastida d'Anjau, Peirens, Puègsiuran, Sant Pàpol e Trevila [3].
Per la Constitucion Civila del Clergat del 12 de julhet de 1790, l'Assemblada Nacionala Constituenta suprimiguèt la diocèsi de Sant Pàpol. Mes le papa Piu VI non reconeguèt aquela constitucion. La diocèsi foguèt abolida definitivament pel Concordat de 1801. La quasi-totalitat de la diocèsi de Sant Pàpol passèt a la diocèsi de Carcassona [4].
En genièr de 2009, la diocèsi de Sant Pàpol foguèt restaurada coma diocèsi titulara. Foguèt atribuïda pel primièr còp en 2016 a Bertrand Lacombe, avesque auxiliar de Bordèu. Dempuèi junh de 2021, Gilles Reithinger, avesque auxiliar d'Estrasborg n'a la carga [5].
Territòri
[modificar | Modificar lo còdi]La diocèsi compreniá 44 parròquias e 8 annèxas.
Parròquias
[modificar | Modificar lo còdi]Las que son en Nauta Garona son precisadas ambe la mencion (31), las autras son d'Aude.
Airós, Avinhonet (31), Varanha, Bèlsplans, Bram, Cadenac (31), Les Casses, Drulha (nom supausat), comuna de Revèl, Fendelha, Fòlcarda (31), La Fòrça, Issèl, La Bastida d'Anjau, La Beceda, Las Bòrdas, Laurapuc, Mas Santas Puèlas, Miraval de Lauragués, Montferrand, Montmaur, Puègsiuran, Peirens, La Pomareda, Puginièr, Rascós, Ricaud, Sant Breç (31), Sant Jacme de Pontlevet, Sant Laurenç, Sant Martin de La Landa, Sant Pàpol, Sant Paulet, Solhanèls, Solha, Sopècs, Trevila, Verdun, Vilarzens, Le Vilar, Vilanava la Comtal, Vilapinta, La Mòta (Vilasiscle), Vilaspin[3].
Annèxas
[modificar | Modificar lo còdi]Belestar de Lauragués (31), Ferrals, Graissiens ? Graissens ? (31), Molevila, Puègbusca, Sant Aciscle (31), Vaudrulha (31), Vilamanha[3].
Véser tanben
[modificar | Modificar lo còdi]Bibliografia
[modificar | Modificar lo còdi]- Hippolyte Amédée Hennet de Bernoville (1826-1916), Mélanges concernant l'évêché de Saint-Papoul. Pages extraites et traduites d'un manuscrit du quinzième siècle, imprimerie de Ad. Laine et J. Havard, Paris, 1863, legir en linha [3]
- M.-C. Marandet, « Les lieux de culte du diocèse de Saint-Papoul à la fin du Moyen Âge », dans Archéologie du Midi Médiéval, 1990-1991, tome 8-9, p. 99-120, legir en linha [4]
- Abbé Sabarthès, Dictionnaire topographique du département de l'Aude, 1912, p. XXXVII, legir en linha [5].
Ligams extèrnes
[modificar | Modificar lo còdi]Nòtas
[modificar | Modificar lo còdi]- ↑ https://data.bnf.fr/fr/14417208/eglise_catholique_diocese_saint-papoul_1317-1801/
- ↑ [1]
- ↑ 3,0 3,1 3,2 3,3 et 3,4 Abbé Sabarthès, Dictionnaire topographique du département de l'Aude, 1912, p. XXXVII, legir en linha https://gallica.bnf.fr/ark:/12148/bpt6k110095d/f50.item.texteImage
- ↑ https://data.bnf.fr/14417208/eglise_catholique_diocese_saint-papoul_1317-1801/
- ↑ [2]
