Bastir!

Un article de Wikipèdia, l'enciclopèdia liura.
Salta a la navegació Salta a la cerca
Prospècte del "Manifèste Occitanista", ambe l'eslogan "Bastir la ciutat" (abrial de 2013)

Bastir!, de'n primièr lo "Manifèste Occitanista" (de la fin de 2011 dincas en abriu de 2013), es un projècte que se definís coma occitanista e qu'aviá a la debuta per tòca de situar la lenga occitana dins los enjòcs de las eleccions municipalas francesas de 2014.

Es capitanejat per divèrses elegits occitans coma Dàvid Grosclaude o Guilhèm Latruvèrsa.

Lògo "Bastir" entre 2013 e 2016
Lògo "Bastir Occitània" dempuèi octobre de 2016

Se vòl pas un partit politic mas puslèu un labèl pels candidats, de quina etiqueta que siá manca los del Front Nacional, de las regions occitanas a las eleccions venentas, qu'auràn a còr de privilegiar a mai de l'occitan, l'interregionalitat, l'educacion e la cultura. La causida dels candidats se deu far aprèp de negociacions menadas localament.

La lista de las candidaturas a las municipalas de 2014[1] es estada aprovada a l'amassada del comitat de pilotatge[2] nacional que se faguèt lo 9 de novembre de 2013. Anteriorament divèrsas reunions se faguèron dins mantunas vilas occitanas[3][4].

A las eleccions departamentalas de 2015, Bastir! obtenguèt pas nat elegit. Dempuèi, los que se reivindican tostemps de Bastir![5] fan d'accions localas o espontanèas[6] quora an escadenças de convidar lo subjècte "occitan" dins l'actualitat, per exemple en participar activament au mès de mai de 2016 a la campanha del cambiament de nom de la region Lengadòc-Rosselhon-Mieijorn-Pirenèus en "Occitanie"[7][8][9][10][11].

Atal, menats pel Joan-Luc Davezac, nombroses militants de "Bastir!" encara actius en Gasconha tolosana se mobilizèren au moment de la consultacion ciutadana per causir un nom a la region administrativa d'Occitània Centrala (Tolosa e Montpelhièr) gessida de la fusion de Mièijorn-Pirenèus ambe Lengadòc-Rosselhon[12], en preconizar entremièi los cinq prepausats pel conselh regional los dus mès istorics e identitàris : "Occitània" o "Occitània - País Catalan"[13]. Aquesta campanha estèc una capitada : "Occitània" estèc la prumèra causida ambe 44,90 % de las votacions lo 24 de junh (nom validat per las institucions francesas lo 29 de setembre de 2016)[14]. Dempuèi, a l'Amassada Constitutiva "Bastir!" d'octobre de 2016 de L'Isla de Baish (Gasconha tolosana)[15], se decidèc de cambiar lo nom "Bastir!" en "Bastir Occitània".

Mentre que menava las accions "Bastir!" en favor del nom novèl de la region administrativa francesa d'Occitània Centrala, lo Joan-Luc Davezac s'engatgèc dins lo moviment "En Marcha!" de l'ancian ministre de l'economia Emmanuel Macron[16]. Atal, nombroses sòcis de "Bastir!" capvath Occitània tota seguissèren lo Davezac dins aquesta dralha e te dintrèren dins aqueste moviment e, solide, menèren la campanha de las presidencialas en favor del Macron, qu'estèc elegit President de la Republica Francesa lo 7 de mai de 2017[17][18].

Mès au moment de las eleccions legislativas, quitament en demorar fidèus al President Macron, lo Davezac e los autres sòcis de "Bastir Occitània" prenèren distàncias ambe lo moviment "En Marcha!", sia en sosténguer al primièr torn candidaturas "macronistas" dissidentas ("majoritat presidenciala")[19] contra los investits pel moviment, sia en presentar candidaturas occitanistas autonòmas[20]. Au segond torn, "Bastir Occitània" comuniquèc pels fialats socials de far barratge a tres candidats "En Marcha!" ont lo moviment èra fòrça plan implantat en Occitània : atal, sus la segonda circonscripcion de Gèrs, sus la primièra circonscripcion de Tarn e Garona e sus la uèitena circonscripcion de Garona Nauta, en partida benlèu gràcias a la comunicacion dels sòcis de "Bastir Occitània"[21], los candidats pr'aquò favorits "En Marcha!" d'aquestas circonscripcions estèren batuts pels candidats del Partit Socialista[22].

"Bastir" a Tolosa, lo 4 de junh de 2016


Candidaturas occitanistas a las eleccions legislativas francesas de junh de 2017

En seguida de l'anullacion de l'eleccion del socialista Joel Aviragnet sus la uèitena circonscripcion de Garona Nauta, los electors tornèren votar los 11 e 18 de març de 2018. Aqueste còp, lo comitat "Comenge e Savés" de Bastir Occitània demandèc après soscadissa intèrna a sosténguer publicament Joel Aviragnet[23][24][25] identifiat coma "lo mès pròishe de las ideas de Bastir". Aqueste te ganhèc aisidament l'eleccion cap au candidat LaREM - UDI Miquèu Montsarrat.

Mentre, los autres de "Bastir Occitània" que son çaquelà demoratz macronistas compausèron dincas au mès de gènier de 2019 una branca dissidenta a LaREM, grop puslèu d'esquèrra e regionalista "girondin", opausat cap a la tendéncia de dreta, francofila e centralista "jacobina" pro-parisenca d'aqueste moviment. A la debuta de 2019, "Bastir" s'aluènha donc encara mès del macronisma per'mor de la refòrma Blanquèr identificada coma mortala per l'ensenhament de l'occitan dins l'educacion nacionala, viscuda alavetz coma una traïson de las promessas del Macron rapòrt a la promocion de las lengas regionalas [26].

Lo dètz de novembre de 2018, sòcis e elegits de "Bastir" se son amassats a Tolosa per aprestar las eleccions municipalas venentas e afortir la preséncia del moviment dins las comunas. "Bastir" anonça alavetz una demarcha similara a la de 2014[27], una dubertura a tota mena de listas compatiblas ambe l'occitanisma segon la Charta Bastir (a part solide las de l'extrèma-dreta)[28].


Per las eleccions europèas del 26 de mai de 2019, una majoritat de comitats de "Bastir" t'an estimat que la tièra la mès pròisha de las valors del moviment èra la de l'aligança ecologista-regionalista EELV - RPS menada pel Yannick Jadot[29].

Amassada de "Bastir" a Tolosa lo 10 de novembre de 2018

Referéncias[modificar | modificar la font]

  1. http://www.jornalet.com/nova/3175/lisla-de-baish-son-nombroses-daver-aderit-a-bastir
  2. http://www.sudouest.fr/2014/01/07/gers-les-occitanistes-inaugurent-les-debats-de-la-campagne-municipale-1421813-2277.php
  3. http://www.jornalet.com/nova/3013/amassada-publica-de-bastir-a-lisla-de-baish
  4. http://www.ladepeche.fr/article/2013/09/25/1716148-bastir-un-projet-occitaniste.html
  5. http://www.lepetitjournal.net/Gers/011016-536953-La-preference-de-Bastir.html
  6. http://www.lepetitjournal.net/Gers/011016-362317-Pro-d-ester-mespresat.html
  7. http://lejournaldugers.fr/article/12587-le-collectif-bastir-fait-campagne-pour-le-nouveau-nom-de-la-region
  8. http://www.ladepeche.fr/article/2016/05/03/2336702-les-militants-de-bastir-sur-le-marche.html
  9. http://lejournaldugers.fr/article/13360-le-groupe-bastir-satisfait
  10. https://www.politicregion.fr/article/nom-de-la-region-pour-bastir-cest-loccitanie-qui-prime
  11. https://en.wikipedia.org/wiki/Bastir!
  12. Bastir ! - Campagne pour le nouveau nom de la région de Montpellier et Toulouse
  13. "Bastir !", le 4 juin 2016, Toulouse (Occitanie)
  14. 7Seizh - Bastir Occitania : Merci aux habitants d’ Occitanie
  15. GERS - Bilan de l'assemblée constitutive de "Bastir Occitanie"
  16. Emmanuel Macron répond aux occitans sur la question des langues régionales
  17. Bastir Occitanie avec Emmanuel Macron !
  18. Et maintenant, les législatives !
  19. Le Petit Journal - Tarn-et-Garonne « JE TIENS À FAIRE PART DE MON INDIGNATION… »
  20. Le Petit Journal, Haute-Garonne - ELECTIONS LÉGISLATIVES : PARTI DE LA NATION OCCITANE
  21. La Dépêche, Gers - Élections législatives - 2e circonscription : derniers temps de campagne ; La famille socialiste autour de G. Biémouret
  22. LE FIGARO : Dans les rangs macronistes, des «marcheurs en colère» réclament plus de démocratie
  23. https://www.toulouse7.com/2018/02/26/legislatives-partielles-bastir-occitanie-soutient-joel-aviragnet-3/
  24. http://www.occitanie-tribune.com/articles/6681/haute-garonne-legislative-8eme-circ-bastir-occitanie-appelle-a-voter-pour-joel-aviragnet/
  25. http://lasetmana.fr/index.php/oc/politica/item/3615-legislativas-parcialas-la-renaissenca-del-parti-socialiste
  26. https://www.midilibre.fr/2018/07/08/bagnols-christian-roux-macron-de-lespoir-a-la-deception,4649136.php
  27. https://www.lejournaltoulousain.fr/politique/municipales-occitanistes-bastir-60262
  28. https://www.occitanie-tribune.com/articles/9989/occitanie-toulouse-31-elections-municipales-le-mouvement-bastir-s-engage-sur-le-territoire-la-charte-bastir/
  29. https://france3-regions.blog.francetvinfo.fr/le-blog-de-viure-al-pais-france3/2019/05/18/francois-alfonsi-a-lostal-occitan-de-nabona.html

Ligams extèrns[modificar | modificar la font]

  • Siti web (essencialament en francés a l'ora d'ara amb qualques causòtas en occitan)