Rassemblament Nacional
Lo Rassemblament Nacional (var. Rassemblament Nacionau, RN), autres còps Front Nacional (var. Front Nacionau, Frònt Nacionau, FN) (en francés Rassemblement National, Front National) es un partit politic francés d'extrèma dreita, fondat en octobre de 1972 e presidit dusca en genièr de 2011 per Jean-Marie Le Pen. Dempuèi 2011, la presidenta es sa filha Marine Le Pen.
Lo Rassemblament Nacional es un partit populista, chauvinista, sobeiranista e, segon d'unes cercaires, es tanben un partit faissista. Partit menor dins los ans 1970, l'FN va venir un dels principals partits politics franceses dins los ans 1980 e 1990. En 2002, Jean-Marie Le Pen arribèt al segond torn de las eleccions presidencialas francesas. En 2007, Jean-Marie Le Pen aguèt la quatrena plaça a las eleccions presidencialas (10%).
