Jean-Marie Le Pen
Jean-Marie Le Pen (nascut lo 20 de junh de 1928, mòrt lo 7 de genièr de 2025) foguèt un òme politic francés d'extrèma drecha. Foguèt elegit deputat pojadista en 1956; tornamai elegit deputat en 1958, s'aluenhèt pasmens del pojadisme per al cap de qualquas annadas se sarrar encara mai cap a l'extrèma drecha en participant a la fondacion del Front Nacional, que ne foguèt son president de 1972 fins a 2011. Se presentèt a las eleccions presidencialas en 1974, 1988, 1995, 2002, e 2007. En 2002 arribèt al segond torn de las eleccions presidencialas. En 2007, cabussèt a la quatrena plaça a las eleccions presidencialas (10%). Es lo paire de Marion dicha Marine Le Pen e lo pepin de Marion Maréchal.
Sas tematicas principalas son lo regèt de l'immigracion, lo nacionalisme e l'anticomunisme.
Es estat orfanin e pupil de la nacion après la mòrt de son paire, marin pescador breton tuat per una mina en nauta mar en 1942. De formacion juridica, es estat paracasudista. Del temps qu’èra deputat, faguèt pression per participar a la guèrra d’Argeria, mas demorèt gaire alai, combatèt pas mas torturèt de presonièrs,[1] e mai o confessèt mai tard.[2]
Le Pen es estat mantun còp a l'origina de polemicas e de procès pr'amor, entre autras causas, d'aver ensajat de minimizar l'Olocaust. Entre sas declaracions mai polemicas i aguèt lo jòc de mot Durafour crematòri contra un adversari sonat Durafour, lo vejaire de que lo genocidi dels jusieus non seriá estat qu'un "detalh" de la Segonda Guèrra Mondiala.
Referéncias
[modificar | Modificar lo còdi]- ↑ Fabrice Riceputi. Le Pen et la Torture. París: le Passager clandestin, 2024.
- ↑ “Le Monde rappelle qu'au sortir de la guerre, en 1962, Jean-Marie Le Pen reconnaissait : "Nous avons torturé en Algérie parce qu'il fallait le faire".” "Dans ses mémoires, Jean-Marie Le Pen s'exprime sur la torture en Algérie", en linha.
- Paginas amb d'etiquetas Wikidata sens traduccion
- Naissença en 1928
- Personalitat de la Cinquena Republica
- Personalitat del Front Nacional (partit francés)
- Nacionalista francés
- Personalitat del Centre Nacional dels Independents e Païsans
- Sindicalista estudiant francés
- Oficièr de la Legion Estrangièra
- Eurodeputat 1984-1989
- Eurodeputat 1989-1994
- Eurodeputat 1994-1999
- Eurodeputat 1999-2004
- Eurodeputat 2004-2009
- Candidat a l'eleccion presidenciala francesa de 1974
- Candidat a l'eleccion presidenciala francesa de 1988
- Candidat a l'eleccion presidenciala francesa de 1995
- Candidat a l'eleccion presidenciala francesa de 2002
- Ancian deputat de la Cinquena Republica
- Deputat de la Quatrena Republica Francesa
- Antisemitisme en França
- Candidat a l'eleccion presidenciala francesa de 2007
- Candidat a una eleccion presidenciala francesa
- Extrèma drecha francesa
- Personalitat politica francesa