Assemblada Occitana
| Assemblada Nacionala Occitana (fins a 2019) | |
| Lògo de l'Assemblada Occitana.jpg | |
| Donadas | |
|---|---|
| Tipe | Grop de trabalh e de defensa d'interès |
| Ideologia | Occitanisme, Nacionalisme occitan, Independentisme, Umanisme, Progressisme |
| Forma juridica | Associacion Lei 1901 |
| Istòria | |
| Fondacion | 20 febrier de 2016 |
L’Assemblada Occitana es un grop de trabalh e d'accion basat a Niça. Son objectiu es de conscientizar la populacion d'Occitània tota sus son apartenéncia a la nacion occitana e de restaurar la dignitat nacionala per una Occitània liura, sobeirana, democratica, ecologica, sociala e umanista.
Istoric
[modificar | modificar lo còdi]Lo 20 de febrier de 2016 foguèt creada a Marselha l'Assemblada Nacionala Occitana (ANÒC). Bastida sus lo modèl de l'Assemblea Nacional Catalana (ANC), l'ANÒC se presentava coma una organizacion populara, transversala e integratritz, rassemblant totei lei fòrças vivas de l'occitanisme (movements associatius, politics e socials) per fin d'avançar amassa dins “la recuperacion de la consciéncia nacionala occitana”[1][2].
A la fin de 2018, l'Assemblada Nacionala Occitana cambièt de nom e de lògo per devenir l'Assemblada Occitana. Tocada per la crisi e lei divisions cronicas de l'occitanisme, cambièt tanben d'estrategia en se presentant pas mai coma un movement de massa mas coma un grop de trabalh e d'accion. Ansin, cessèt de cercar l'unitat dau movement occitanista per se consacrar au trabalh d'informacion de la populacion d'Occitània tota.[3]
Objectiu
[modificar | modificar lo còdi]L'Assemblada Occitana a per objectiu de conscientizar la societat occitana e rassemblar totas las fòrças civilas occitanas per fin de complir las finalitats seguentas[4]:
- La reconeissença de la nacion occitana, dins sa pluralitat lingüistica e culturala, e la presa de consciéncia del pòble occitan d’i aperténer,
- L’aveniment d’una economia occitana sobeirana, dinamica, ecologica e sociala,
- Crear las condicions politicas e socialas necessàrias per establir e constituir una vertadièra entitat territoriala occitana pròpria, que siá plurala, federativa e democratica,
- Obtenir de condicions equitablas per promòure e desvolopar un usatge normal de la lenga occitana dins totes los domenis de la vida,
- Restaurar la dignitat nacionala del pòble occitan. L’independéncia d’Occitània es un mejan necessari per restaurar aquela dignitat (en passant per una autodeterminacion democratica),
- Defendre las personas (fisicas e moralas) que subisson de discriminacions, de tractaments inequitables, de vexacions, d’injúrias, de difamacions o de violéncias a causa de lor cultura occitana, de lor usatge de la lenga occitana, de lor accent occitan o de lor origina occitana; e se constituir partida civila per defendre aquelas personas.
Ideologia
[modificar | modificar lo còdi]L'Assemblada Occitana aderís ai valors progressistas talas que la defensa dels dreches del pòble, la democracia, l’umanisme, lo feminisme e lo respècte de l’environament.[5]
Ligams extèrnes
[modificar | modificar lo còdi].svg){kind=small}
Referéncias
[modificar | modificar lo còdi]- ↑ https://www.ladepeche.fr/article/2015/07/25/2149465-l-anoc-veut-son-autonomie.html
- ↑ https://www.jornalet.com/nova/6480/noticia/6480/es-nascuda-lassemblada-nacionala-occitana
- ↑ https://web.archive.org/web/20250217140015/https://assemblada-occitana.com/lassemblada-occitana-cambia-de-nom-e-destrategia-per-alestir-lo-futur
- ↑ https://assemblada-occitana.com/qual-sem
- ↑ https://assemblada-occitana.com/nostras-valors