Jòcs Paralimpics

Un article de Wikipèdia, l'enciclopèdia liura.
Anar a : navigacion, Recercar

Los Jòcs Paralimpics acampan d'atlètas andicapats de totes païses per de competicions d'espòrt per andicapats. I participan d'atlètas andicapats fisics o visuals (amputats, cècs, infirmes motors, cerebrals o en cadièra de ròdas, o d'autre andicap fisic) coma d'atlètas andicapats mentals. Son organizats per lo Comitat internacional paralimpic (e non pas pel Comitat internacional olimpic) e se debanan cada 4 ans en seguidas dels Jòcs Olimpics.

Los sords e malentendents pòdon participar als Deaflympics (Jòcs olimpics dels sords). Las personas atencha d'un andicap mental podián tanben participar als Jòcs olimpics especials fins a lor integration en 2012 als Jòcs paralimpics d'estiu de 2012 (aprèp que ne foguèsson exclusas en 2000).

Istòria[modificar | modificar la font]

Sir Ludwig Guttmann, mètge neurològs de l'espital de Stoke Mandeville dins lo comtat de Buckinghamshire près de Londres, aguèt l'idèa d'organizar dempuèi 1948 sul terren de l’espital, los primièrs « Jòcs mondials de cadèiras de ròdas e d'amputats » ("World Wheelchair and Amputee Games"). Coneguts mai tard jol nom de « Jòcs de Stoke Mandeville » èran destinats a reabilitar per la practica fisica dels veterans e victimas de la Segonda Guèrra Mondiala veguts paraplegics. Doas equipas d’ancians combatents participèron alara a una unica competicion, lo tir amb arc.

Los 9n jòcs de Stoke-Mandeville se debanèron a Roma en 1960 una setmana après los Jòcs olimpics d'estiu de 1960, e se considèra que s'agís dels primièrs jòcs paralimpics[1]. La primièra edicion dels Jòcs paralimpics d'ivèrn se debanèron a Örnsköldsvik en Suècia en 1976[2].

Parallèlament, se debanèron a Sant Estève, a l'initiativa d'Yves Nayme, mai d'una editions de jòcs internacionals per las personas andicapadas fisicas (jòcs europèus de 1966, jòcs mondials de 1970 e 1975 e campionats del mond de 1990)[3],[4].

Las personas patissent de paralisia cerebrala participan als Jòcs paralimpics dempuèi los Jòcs d'Arnhem, en 1980.

Dempuèi los Jòcs paralimpics d’estiu de Seol en 1988, los Jòcs olimpics e los Jòcs paralimpics son organizats dins la meteissa vila.

Objectius e simbòls[modificar | modificar la font]

Etimologia[modificar | modificar la font]

A l'origina, lo nom « paralimpic » èra una combinason de « paraplegic » e d'« olimpic ». Amb la participacion d'atlètas amb diferents andicaps, lo tèrme « paralimpic » es ara definit coma l'acampada en « para », prefixe d'origina grèga signifiquent « a costat de » o « parallèl » e de la terminason « limpic » dels Jòcs olimpics. Los Jòcs paralimpics son atal considerats coma solidaris dels jòcs olimpics.

Objectifu[modificar | modificar la font]

L'objectiu del Movement paralimpic es de donar l’escasença als atlètas avent un andicap fisic de se despassar e de realizar de performanças esportivas comparablas a aquelas dels atlètas olimpics.

Règlas[modificar | modificar la font]

Los Jòcs paralimpics acampan d'atlètas andicapats fisics o visuals apartenent a las categorias seguentas: tetraplegics e paraplegics, sequèles neurologicas assimilablas, amputats e assimilats, infirmes motors cerebrals, grands andicapats, cècs e malvesents.

Per que la competicion siá equitabla, los atlètas son regropats per categorias segon lor andicap. L'objectiu es que concorra ensems d'atlètas avent d'aptituds foncionalas comparablas. Dins cada espòrt se definisson de categorias. Per exemple en Atletisme, i a competicions pels cècs, pels malvesents, pels amputats qui corrisson amb una protèsi e de corsas en fautuèlh rolant.

Lo problèma de la sorditat als Jòcs olimpics[modificar | modificar la font]

Los sords e malentendents an encara pas lo drech de participar als paralimpics. Pòt pareisser logic, dins la mesura que las personas pauc sordas an de capacitats fisicas pauc tocadas mas es pas lo meteis cas pels sords prigonds que pòdon aver una alteracion de l'equilibri e podent pas participar amb los autres andicapats. En realitat, la nonintegracion dels sords e malentendents sembla venir del fach qu'an lo lor concors, los Deaflympics, que son istoricament la competicion internacionala mai anciena d'espòrt pels andicapats . Tanben pòt existir de cases de tricheriá coma foguèt lo cas amb los andicapats mentals.

Andicapats mentals[modificar | modificar la font]

Entre 2004 t 2012, los Andicapats mentals foguèron exclusits dels Jòcs paralimpics que participavan dempuèi 1996, per de problèmas de classificacion d'andicap e de falsa deficiéncia intellectuala[5]. Los andicapats mentals podavan pasmens participar als Jòcs olimpics especials que se debanavan pas lo meteis an que los olimpics e paralimpics.

Mas, dempuèi 2012[6], los andicapats mentals son tornats dins las competicions oficialas e participèron als Paralimpics de Londres en atleisme, natacion, e tenis de taula.

Simbòls[modificar | modificar la font]

Los Jòcs paralimpics utilisan gaireben los simbòls olimpics: las ceremonias d'obertura e de fin la flama olimpica, las mascòtas...

Lo logó es compausat de tres motius d'origina coreana, de « Tae-Geuks », semblant a de virgulas clinadas sus un fons blanc. Un dels simbòls es verd, lo segond es roge e lo darrièr blau, colors mai frequentas sus las bandièras. Representant l'esperit, lo còs e l'amna. La devisa paralimpica es «L'esperit, lo còs, l'amna».

Jòcs paralimpics d'estiu[modificar | modificar la font]

An Vila País Nombre de païses Nombre d'atlètas
1960 Roma Flag of Italy.svg Itàlia 23 400
1964 Tòquio Flag of Japan (bordered).svg Japon 22 390
1968 Tel Aviv Flag of Israel.svg Israèl 29 750
1972 Heidelberg Flag of Germany.svg Alemanha 44 1000
1976 Toronto Flag of Canada.svg Canadà 42 1600
1980 Arnhem Païses Basses Païses Basses 42 1600
1984 Stoke Mandeville + Nòva York Flag of the United Kingdom.svg Reialme Unit

Flag of the United States.svg Estats Units

42 4080
1988 Seol Flag of South Korea.svg Corèa del Sud 61 3053
1992 Barcelona Espanha Espanha 82 3020
1996 Atlanta Flag of the United States.svg Estats Units 103 3195
2000 Sydney Flag of Australia.svg Austràlia 123 3843
2004 Atenas Flag of Greece.svg Grècia 136 3969
2008 Pequin Flag of the People's Republic of China.svg China 148 4000
2012 Londres Flag of the United Kingdom.svg Reialme Unit 165 4200
2016 Rio de Janeiro Flag of Brazil.svg Brasil

Esports paralimpics d'estiu[modificar | modificar la font]

Jòcs paralimpics d'ivèrn[modificar | modificar la font]

Lista dels Jòcs paralimpics d'ivèrn[modificar | modificar la font]

An Vila País Nombre de païses Nombre d'athlètes
1976 Örnsköldsvik Flag of Sweden.svg Suècia 14 250
1980 Geilo Flag of Norway.svg Norvègia 18 350
1984 Innsbruck Àustria Àustria 22 350
1988 Innsbruck Àustria Àustria 22 397
1992 Tignes/Albertville França França 24 475
1994 Lillehammer Flag of Norway.svg Norvègia 31 471
1998 Nagano Flag of Japan (bordered).svg Japon 32 571
2002 Salt Lake City Flag of the United States.svg Estats Units 36 416
2006 Turin Flag of Italy.svg Itàlia 41 550
2010 Vancouver Flag of Canada.svg Canadà 44 506
2014 Sòchi Flag of Russia.svg Russia
2018 Pyeongyang Flag of South Korea.svg Corèa del Sud

Esports paralimpics d'ivèrn[modificar | modificar la font]

Notas e referéncias[modificar | modificar la font]

  1. (en) www.paralympic.org
  2. (en) www.paralympic.org
  3. (fr)www.loiretourisme.com
  4. (fr)imatge INA
  5. (fr)Question 41162 a l'Assemblada Nacionala de Jacques Grosperrin, deputat, publicada al J.O. lo 3 de febrièr de 2009 site de l'Assemblada Nacionala (França)
  6. (fr)Paralympiques 2012: les handicapés mentaux font leur retour Article de www.rfi.fr, 20 d'agost de 2012
  7. 7,00 7,01 7,02 7,03 7,04 7,05 7,06 7,07 7,08 7,09 7,10 7,11 7,12 7,13 7,14 7,15 7,16 7,17 {{{Títol}}}

Ligams extèrnes[modificar | modificar la font]