Sant Cristòl e Nevis
| |||
| Devisa nacionala: Country Above Self | |||
| Lenga oficiala | anglés | ||
| capitala populacion (an) |
Basseterre 13 262 abitants (2003) | ||
| |||
| Rei | Carles III | ||
| Governador General | Cuthbert Sebastian | ||
| Primièr ministre | Denzil Douglas | ||
| Superfícia | 269 km² | ||
| Populacion Densitat |
42 696 (2005) 164 ab./km² | ||
| Independéncia - Jorn |
(del Reialme Unit) 19 de setembre de 1983 | ||
| Moneda | dolar de las Caribas Orientalas | ||
| Ora | UTC-4 | ||
| Imne nacional | O Land of Beauty! | ||
| Còde ISO 3166 | KN | ||
| Domeni Internet | .kn | ||
| Còdi telefonic | + 1 + 869 | ||
Sant Cristòl e Nevis (en anglés Saint Christopher and Nevis o Saint Kitts and Nevis) es un estat insular de la Cariba a las illas de Sotavent, constituit per las illas de Saint Kitts e Nevis. Es localizat aproximativament a 350 km a l'èst de Puerto Rico e los vesins mai pròches son las illas de Sint Eustatius (Antilhas Neerlandesas) al nòrd-èst, Antigua e Barbuda a l'èst e sud-èst e Sant Bertomieu, una dependéncia de França, al nòrd. La capitala es Basseterre.
Istòria
[modificar | Modificar lo còdi]L'illa de Sant Cristòl foguèt un temps partejada entre França (al Nòrd e al Sud) e Anglatèrra (al centre). L'illa de Nevis ten son nom de l'espanhòl Nieves (nèus): las nívols que capelavan sa montanha foguèron presas per de nèu pels primièrs navigators espanhòls que la trobèron.
Originalament las colònias britanicas de Sant Cristòl e Nevis, amassa amb Anguilla, se transformèron en un sol estat liure associat en 1967. Anguilla se rebellèt e se li permetèt la separacion en 1971. Sant Cristòl e Nevis atenguèron l'independéncia en 1983. En agost de 1998, una votacion a Nevis amb l'objectiu de se far independent arribèt pas als dos tèrces de majoritat necessària.
En setembre de 1998, l'auragan Georges provoquèt aperaquí 445 000 000 dolars en damatges e frenèt la creissença del PIB d'aquel an.
Politica
[modificar | Modificar lo còdi]Sant Cristòl e Nevis es una monarquia parlamentària dins la Comunautat Britanica de Nacions. Lo cap d'Estat es lo monarca anglés (representat per un governador-general, actualament Sir Cuthbert Sebastian). Lo primièr ministre es tanben lo cap del partit principal del Parlament.
Sant Cristòl e Nevis a un legislatiu unicameral, conegut coma National Assembly e compausat per 14 membres: 11 representants elegits dirèctament per la populacion e 3 senators nomenats per lo governador-general. Lo mandat dels membres del Parlament es de 5 ans.
Geografia
[modificar | Modificar lo còdi]
Las doas illas que forman lo país son separadas per l’estrech de Narrows, de mens de 3 km. Ambedoás illas son d’origina volcanica amb escarpadas de cims al dedins. Lo pic pus naut es lo de Sant Cristòu, lo Mont Liamuiga dels 1156 m d’altitud. Pel contrari dins las zònas vesinas de la còsta lo relèu es totalament plan.
Lo clima de las illas es tropical umid de la mejana de 26,7 °C pendent tot l’an.
Economia
[modificar | Modificar lo còdi]De veire: Economia de Sant Cristòl e Nevis
Lo torisme e las finanças internacionalas son las fonts principalas de revenguts de l'estat.
