Sètge de Besièrs (1209)
|
Sètge de Besièrs (1209) | |
|---|---|
| Informacions generalas | |
| Data | 21-22 de julhèt de 1209 |
| Luòc | Besièrs |
| Eissida | Victòria crosada |
| Belligerants | |
 Crosada deis Albigés : |
 Ostau de Trencavel |
| Comandants | |
 Arnaud Amalric
|
|
| Pèrdas | |
| Fòrça feblas | Unei milièrs de mòrts |
| Batalhas | |
.svg){kind=small}
Lo sètge de Besièrs (o lo chaple de Besièrs) es una batalha que se debanèt lei 21 e 22 de julhèt de 1209 durant la Crosada deis Albigés. Opausèt l'armada principala de la Crosada a la garnison de la ciutat. La batalha foguèt lo premier combat d'importància de la guèrra. Foguèt causat per lo refús de la vila de desliurar ai Crosats una lista d'abitants sospichats de catarisme. Ben protegida per sei barris, Besièrs teniá una garnsion e de resèrvas de manjar importantas enterin que lo vescòmte de Trencavel concentrava sei fòrças a Carcassona per atacar lei Crosats enceuclant la vila. Pasmens, lo 22 de julhèt, una temptativa de sortida per d'abitants s'acabèt per un desastre e lei Crosats capitèron d'intrar dins la vila. La populacion e la garnison foguèron massacradas e una partida granda de la vila foguèt cremada.