Campanha de Cabaret (1210)

Un article de Wikipèdia, l'enciclopèdia liura.
Salta a la navegació Salta a la cerca

Campanha de Cabaret (1210)

Lastours.jpg
Vestigis contemporanèus dei castèus de Las Tors
Informacions generalas
Data 1209-1210
Luòc Region dei Castèls de Las Tors
Eissida Victòria dei senhors de Las Tors
Belligerants
Cross-Pattee-alternate red.svg Crosada deis Albigés

Armoiries seigneurs Montfort.svg Ostau Montfòrt
Blason Ducs Bourgogne (ancien).svg Comtat de Borgonha

Senhoriá de Las Tors
Comandants
Armoiries seigneurs Montfort.svg Simon IV de Montfòrt

Blason Ducs Bourgogne (ancien).svg Eudes III de Borgonha

Pèire Rogièr de Cabaret
Batalhas

La campanha de Cabaret de 1210 es un ensems de combats que se debanèron durant la Crosada deis Albigés. Après la victòria crosada de Carcassona, l'objectiu de Simon de Montfòrt èra de conquistar lei domenis Trencavel totjorn tenguts per de senhors occitans locaus enemics de la Crosada e dei Francés. La region de Cabaret representava donc un objectiu important car lei senhors de Cabaret tenián un domeni grand ambé de ressorsas importantas (especialament una industria d'armament) fòrça ben protegit per sei defensas naturalas e l'ensems fortificat dei castèus de Las Tors.

Amb una armada demenida per la partença d'unei senhors importants qu'avián finit lor servici d'ost au profiech de la Crosada, Montfòrt assaièt sensa succès de conquistar la region. Au contrari, deguèt faciar una tièra de reviradas coma la captura de son luòctenent Bouchard de Marly per Pèire Rogièr de Cabaret. De mai, dins lo rèsta dei domenis Trencavel, d'autrei senhors occitan aprofichèron l'absència de Montfòrt per atacar lei posicions crosadas entraïnant l'anientament de la garnison de Puègserguièr. Una autra consequéncia de la revirada de Cabaret foguèt la partença dau còmte de Borgonha que rintrèt dins sei territòris.