Batalha de Castèlnòu d'Arri (1211)

Un article de Wikipèdia, l'enciclopèdia liura.
Salta a la navegació Salta a la cerca

Batalha de Castèlnòu d'Arri (1211)

Informacions generalas
Data 1211
Luòc Castèlnòu d'Arri
Eissida Victòria occitana
Belligerants
Cross-Pattee-alternate red.svg Crosada deis Albigés

Senhoriá de Biront

Blason Languedoc.svg Comtat de Tolosa

Blason du comté de Foix.svg Comtat de Fois
Armoiries Comminges Ancien.svg Comtat de Comenge
Blason du Béarn.svg Vescomtat de Bearn

Comandants
Armoiries seigneurs Montfort.svg Simon IV de Montfòrt

Armoiries seigneurs Montfort.svg Bouchard de Marly
Martin Algaï

Blason Languedoc.svg Ramon VI de Tolosa

Blason du comté de Foix.svg Ramon Rogièr de Fois
Armoiries Comminges Ancien.svg Bernat IV de Comenge
Blason du Béarn.svg Gaston VI de Bearn

Batalhas

La batalha de Castèlnòu d'Arri se debanèt en 1211 durant la Crosada deis Albigés entre l'armada crosada de Simon IV de Montfòrt e leis armadas coalizadas dei senhors occitans de Tolosa, de Fois, de Comenge e de Bearn. S'acabèt per una victòria occitana limitada car lei Crosats capitèron de se replegar e foguèron pas anientats maugrat d'efectius fòrça inferiors ai Coalizats.

La batalha se debanèt en tres etapas principalas. Au començament, leis Occitans acomencèron un sètge parciau de la vila ocupada per una garnison crosada e lei dos camps assaièron de reünir de tropas suplementàrias. Dins lo corrent d'aqueu procès, un combat de cavalariá se debanèt entre lei fòrças de Simon de Montfòrt e aquelei dau Comtat de Fois que s'acabèt per un succès francés. Pasmens, Ramon VI e Ramon Rogièr capitèron d'utilizar aqueu combat per espandre la rumor de la desfacha e de la mòrt de Simon de Montfòrt. Ansin, mai d'una vila se revoutèt còntra lei Francés que deguèron se replegar per preparar una conquista novèla dei territòris perduts.