Vejatz lo contengut

Pèire Rogièr de Cabaret

Aqueste article es redigit en lengadocian.
Un article de Wikipèdia, l'enciclopèdia liura.

Infotaula de personaPèire Rogièr de Cabaret
Biografia
Naissençasègle XII Modifica el valor a Wikidata
Mòrt1229 Modifica el valor a Wikidata
Donadas personalas
Activitat
Professionjoquei (ca) Traduire Modifica el valor a Wikidata
Carrièra militara
Rengcavalièr Modifica el valor a Wikidata
EspòrtIpodròm (, ) Modifica el valor a Wikidata
Los quatres castèls de Las tors: Cabaret, Tor Regina, Flor d'espina e Quertinhós

Pèire Rogièr de Cabaret, en occitan ancian Peire Rotgeirs de Cabaretz[1] (mòrt en 1229), èra un cavalièr occitan del sègle XIII. Al començament de la crosada dels albigeses partejava amb son faire Jordan de Cabaret la possession dins las Corbièras de tres dels castèls de Las Tors: Cabaret, Flor d'Espina e Quertinhós. Venguèt puèi un cavalièr faidit.

Cabaret assostava una comunautat catara que s'i èra refugida. Al començament de la crosada dels albigeses, Pèire Rogièr assitèt Raimon Rogièr Trencavèl al sètge de Carcassona, pasmens las condicions de rendicion de la vila li permetèron de servar sa libertat e de tornar a Cabaret[2]. Après l’anóncia de la mòrt de Raimon Rogièr Trencavèl (10 de novembre de 1209), qu'èra demorat presonièr a Carcassona, puèi del refús de Pèire II d'Aragon de reconeisser Simon de Montfòrt, lo cap de crosada novèl, coma son vassal per las vescomtats de Trencavèl, de trebolaments agitèron la vescomtat de Carcassona e Pèire Rogièr capitèt de capturar Bochard de Marlí dins una emboscada[3]. Un autre cavalièr occitan, Giraud de Pepius, s'emparèt del castèl de Puègserguièr, chaplèt una part de la garnison de Montfòrt e eissorbèt l’autra part[4].

Bochard de Marlí foguèt gardat presonièr a Cabaret, e Montfòrt fauta de poder assètjar lo castèl ne bassaquèt los a l'entorns en mars de 1210[5]. Montfòrt se virèt alara cap a d'autres plaças fòrtas, prenguèt Fanjaus, e Bram. Dins aquesta darrièra vila, faguèt pròva d’una crueltat identica a la de Giraud de Pepieus, eissorbèt un centenat de presonièrs levat un qu'embornhèt e envièt aquesta tropa martirizada à Cabaret per fin de mòstrar sa determinacion[6].

Los senhors de Cabaret e de Tèrme s’èran sostenguts mutualament durant las diferentas accions militaras. Raimond de Termes aviá encontrat mantuns còps l'armada crosada quora operava a l'entorn de Cabaret en 1210. Al mes d’agost de 1210, Simon de Montfòrt metèt lo sètge davant Tèrme. Pèire Rogièr de Cabaret temptèt d’atacar lo camp dels crosats[7], mas o capitèt pas e lo castèl foguèt pres lo 22 de novembre de 1210[8].

Referéncias

[modificar | Modificar lo còdi]
  1. ↑ Ramons lo Montalbes; Arval Benicoeur (1997-2004). French / Occitan Names from the XII and XIII Century (en anglés). The Academy of Saint Gabriel - Medieval Names Archive. 
  2. ↑ Georges Bordonove, Ibid, p.141-2 et 147.
  3. ↑ Dominique Paladhile, Ibid, p.114.
  4. ↑ Dominique Paladhile, Ibid, p.116.
  5. ↑ Georges Bordonove, Ibid, p.182-3.
  6. ↑ Dominique Paladhile, Ibid, p.117-8.
  7. ↑ Dominique Paladhile, Ibid, p. 127
  8. ↑ Georges Bordonove, Ibid, p.197.
Recuperada de « https://oc.wikipedia.org/w/index.php?title=Pèire_Rogièr_de_Cabaret&oldid=2435367 »