Movement dels agricultors de 2024

Un article de Wikipèdia, l'enciclopèdia liura.
Blocatge rotièr improvisat lo 19 de genièr de 2024 pels Joves agricultors e la FNSEA en Occitània a L'Isla de Baish (Gasconha)
Panel virat pels agricultors en Occitània tre fin 2023, aquí a La Chapela, en Vivarés (Ardecha)
Los «Bonets jaunes» de la Coordinacion rurala blocant l'autorota d'Agen (Lengadòc) lo 24 de genièr de 2024.

Lo movement dels agricultors de 2024 es una seguida de manifestacions e de barratges rotièrs organizats mai que mai pels sindicats agricòlas (d'en primièr per la FNSEA, los Joves agricultors e la Coordinacion rurala, mai tardivament seguits per la Confederacion paisana)[1][2] qu'a sustot pres de vam a partir del 18 de genièr de 2024.[3]

Los agricultors protèstan contra la feblesa dels prèses dels aliments, contra las reduccions prepausadas de las subvencions governamentalas al carburant diesèl destinat als agricultors (lo GNR) e contra un projècte d'acòrdi de liure-escambi entre l'Union Europèa e lo Mercosur.

Lo movement, que fasiá resson a çò que se passava en Alemanha,[4] comencèt en Occitània[5] d'en primièr per una manifestacion a Tolosa lo 16 de genièr de 2024,[6] manifestacion qu'a pas agut l'efièch escomptat. Los agricultors d'Occitània decidisson alavetz de blocar l'autorota A 64 al nivel de Tarba e de Carbona[7] a l'iniciativa de l'elevaire occitan del Volvèstre, Jérôme Bayle,[8][9] lo 18 de genièr de 2024.

Cal notar qu'en amont, lo movement dels agricultors d'Occitània aviá en realitat ja començat tre octobre de 2023 per una accion simbolica de virament dels panèls de senhalizacion,[10][11] e en novembre per d'accions virulentas dels viticultors[12] (en particular lo Comitat d'Accion Viticòla) en Lengadòc e ja per d'accions de blocatge de Tolosa pels elevaires e cerealièrs.[13]

Las rotas màgers d'Occitània son aital estadas blocadas[14][15][16][17][18] a partir del 18 e 19 de genièr de 2024,[19][20] puèi en seguida del blocatge de l'autorota d'Agen per la Coordinacion rurala lo 22 de genièr de 2024,[21] aquela mena d'accion s'espandís alavetz aval la França entièra los 23 e 24 de genièr de 2024.

Lo 23 de genièr, un accident dramatic sus un barratge a Pàmias (Lengadòc) provòca la mòrt d'una agricultritz e de sa filha, percutidas per una auto.[22][23]

Lo movement a damatjat bastiments publics[24]; en Lengadòc, qualquas degradacions son atribuïdas mai especificament al Comitat d'Accion Viticòla (CRAV) a Carcassona[25] e a Narbona.[26]

En responsa a las protèstas, lo primièr ministre Gabriel Attal anèt en Occitània lo 26 de genièr,[27] i rencontrèt Jérôme Bayle, e a promés de renonciar a la reduccion de las subvencions publicas al carburant diesèl agricòla (GNR); s'es tanben engatjat a prene d'autras mesuras qu'an per mira de reduire lo pes financièr e burocratic dels agricultors. Se lo barratge tengut a Carbona e qualques autres son estats tirats en Occitània en seguida d'aquelas promessas,[28] una bona partida del movement dels agricultors a pasmens contunhat, e s'es quitament amplificat endacòm mai.[29]

D'occitan qu'èra a la debuta, lo movement ven alavetz un movement francés: aqueste còp, los agricultors franceses reclaman de melhoras condicions de trabalh, los del Maine decidisson alavetz de blocar París a partir del diluns 29 de genièr, en barrant las rotas principalas de la capitala de França,[30] mentre que los de Franca Comtat qu'ensajan de blocar lo grand mercat de París a Rungis.[31][32]

Lo 1èr de febrièr de 2024, lo primièr ministre Gabriel Attal fa de novèlas anóncias. Entre autres, promet 150 milions d'euros d'ajudas pels agricultors. Los Joves agricultors e la FNSEA demandan alavetz a lors militants que tirèn los barratges.[33][34]

Articles connèxes[modificar | Modificar lo còdi]

Referéncias[modificar | Modificar lo còdi]

  1. Gireaud, Léa. Colère des agriculteurs : la Confédération paysanne rejoint le mouvement de contestation en Franche-Comté (en francés). www.francebleu.fr.
  2.  Amb los agricultors mas per l’ecologia (en occitan), 28 de genièr de 2024. Jornalet.
  3. Planques, Martin. Manifestation des agriculteurs : autoroute A64, RN20 en Ariège... quels axes routiers de la région seront bloqués ce jeudi (en francés), 18 de genièr de 2024.
  4. Wieder, Thomas. En Allemagne, une « semaine d’action » des agriculteurs, l’extrême droite en embuscade (en francés). Le Monde, 8 de genièr de 2024. www.lemonde.fr. [Consulta: 15 de febrièr de 2024]
  5. Robert, Mathieu. Colère des agriculteurs : pourquoi la mobilisation est partie d’Occitanie (en francés), 26 de genièr de 2024. www.ouest-france.fr.
  6. Rimbert, Julie. En colère, les agriculteurs d’Occitanie manifestent une nouvelle fois ce mardi à Toulouse (en francés). Le Parisien, 16 de genièr de 2024. www.leparisien.fr.
  7. Gardent Bianco-Levrin, Matis. DECRYPTAGE. Manifestation des agriculteurs : "On est tous solidaires", pourquoi le blocage de l'A64 est-il autant soutenu par la population ? (en francés). La Dépêche, 21 de genièr de 2024. www.ladepeche.fr.
  8.  "Il lutte pour la survie des paysans": qui est Jérome Bayle, éleveur occitan devenu figure des agriculteurs, 27 de genièr de 2024. www.nicematin.com.
  9.  Agriculture: Jérome Bayle, éleveur occitan devenu figure du mouvement (en francés), 26 de genièr de 2024. www.nouvelobs.com.
  10. Ferrer, Alexandre. Mais pourquoi un "commando" inverse-t-il les panneaux dans le Tarn ? On vous dévoile son identité et ses motivations. La Dépêche, 3 de novembre de 2023. www.ladepeche.fr.
  11. Drusian, Nicolas. Aveyron : on vous dit pourquoi de plus en plus de panneaux vont se retrouver la tête à l'envers jusqu'à dimanche. www.centrepresseaveyron.fr.
  12.  Manifestation des vignerons à Narbonne : "Ce mouvement dépasse la filière" (en francés). La Dépêche, 25 de genièr de 2023. www.ladepeche.fr.
  13. Léhé, Catherine. Agriculteurs en colère : nouvelle manifestation prévue jeudi mais sans tracteurs (en francés). france3-regions.francetvinfo.fr.
  14. https://www.sudouest.fr/economie/agriculture/agriculteurs-en-colere-en-images-une-journee-de-manifestation-a-pau-et-tarbes-18282127.php
  15.  Colère des agriculteurs : des tracteurs ont envahi l’A64 à Tarbes. La République des Pyrénées, 26 de genièr de 2024. www.larepubliquedespyrenees.fr.
  16.  Colère des agriculteurs : Agen, Nîmes, Avignon... les images des nouveaux blocages partout en France. TF1, 24 de genièr de 2024. www.tf1info.fr.
  17.  En Creuse, le blocage de la RN 145 par les agriculteurs se poursuit, 26 de genièr de 2024.
  18. Mercier, Théophile. Dordogne. Les agriculteurs ont bloqué l'A89, 24 de genièr de 2024. actu.fr.
  19. Barréjot, Andy. Jean Lassalle avec les agriculteurs en colère des Hautes-Pyrénées à Tarbes-Est (en francés). La Dépêche, 20 de genièr de 2024. www.ladepeche.fr.
  20. Foucaud, Yannick. Blocage de l’autoroute A 64 à Carbonne : Plus déterminés que jamais ! (en francés), 19 de genièr de 2024. www.petiterepublique.com.
  21. Massenot, Christoph. Colère des agriculteurs. L’autoroute occupée, la voie ferrée coupée : « C’est le préfet qui a allumé le feu » (en francés), 22 de genièr de 2024. www.sudouest.fr.
  22.  Pàmias: mòrt d’una agricultritz e de sa filha (en occitan). Jornalet. www.jornalet.com.
  23. Edisson, Patrick. Accident sur un barrage dans l'Ariège : le mari de l'agricultrice décédée est hors de danger (en francés), 24 de genièr de 2024. www.rtl.fr.
  24. Condomines, Anaïs. Dégradation de bâtiments publics par les agriculteurs : Gérald Darmanin en flagrant déni (en francés), 26 de genièr de 2024. www.liberation.fr.
  25.  Agriculteurs : un bâtiment de la direction régionale de l’environnement soufflé par une explosion à Carcassonne (en francés). www.liberation.fr.
  26.  Incendie de la MSA à Narbonne par des agriculteurs : "C'est clairement un départ de feu volontaire", selon le préfet de l'Aude (en francés), 26 de genièr de 2024. www.francetvinfo.fr.
  27. Duchampt, Sylvain. Colère des agriculteurs : le premier ministre Gabriel Attal se rendra sur une exploitation en Haute-Garonne (en francés), 26 de genièr de 2024. france3-regions.francetvinfo.fr.
  28.  L'agriculteur Jérôme Bayle annonce la levée du barrage de Carbonne samedi midi (en francés), 26 de genièr de 2024. www.terre-net.fr.
  29.  Colère des agriculteurs : les actions continuent ce samedi malgré les annonces de Gabriel Attal, 27 de genièr de 2024. www.ouest-france.fr.
  30. Mutricy, Marie. Colère des Agriculteurs : en Sarthe, quatre blocages sur les autoroutes du département ce mardi (en francés), 30 de genièr de 2024. www.francebleu.fr.
  31.  Colère des agriculteurs : les exploitants interpellés à Rungis sont francs-comtois (en francés), 31 de genièr de 2024. www.estrepublicain.fr.
  32. Brioulet, Cyril. REPLAY. Blocages des agriculteurs : incursion de manifestants au marché de Rungis, 91 personnes placées en garde à vue ce soir (en francés). La Dépêche. www.ladepeche.fr.
  33.  Aides aux éleveurs, loi Egalim, pesticides… Ce qu’il faut retenir des annonces du gouvernement sur l'agriculture (en francés), 1 de genièr de 2024. www.lepoint.fr.
  34.  Levée des barrages en France, poursuite de la mobilisation en Espagne et en Italie... L'essentiel de ce vendredi (en francés), 2 de febrièr de 2024. www.lalsace.fr.