Lac Pavent
| Lac Pavent | |||||
 Veguda generala dau lac. |
|||||
 Mapa topografica (en francés) dau lac. | |||||
| Administracion | |||||
| País |  França.svg){kind=small} Occitània
|
||||
|---|---|---|---|---|---|
| Region | Auvèrnha Ròse Aups | ||||
| Region istorica |  Auvèrnhe
|
||||
| Contrada | Monts Dòr | ||||
| Comuna |  Bèça
|
||||
| Geografia | |||||
| Coordenadas | 45° 29′ 45,05″ N, 2° 53′ 16,52″ E | ||||
| Tipe | Naturau, meromictic, lac de cratèr | ||||
| Origina | Volcanic | ||||
| Superfícia | 44 ha |
||||
| Altitud | 1 197 m | ||||
| Prigondor · Maximala |
92 m |
||||
| Idrografia | |||||
| Emissari(s) | afluent (sens nom) de la Cosa Pavent | ||||
Geolocalizacion sus la mapa : França
Geolocalizacion sus la mapa : Auvèrnhe Ròse Aups
Geolocalizacion sus la mapa : Puèi de Doma
| |||||
modificar  |
|||||
Le lac Pavent [la.paˈvɛ̃][1] (lac Pavin en francés) es un lac d'origina volcanica situat dins los Monts Dòr, en Auvèrnha (Massís Centrau), sobre le territòri de la comuna de Bèça. Format per freatomagmatisme i a 6 900 ans, aquel lac de cratèr es le mai joine volcan de França metropolitana[2].
Descripcion
[modificar | Modificar lo còdi]Situat a una altituda de 1 197 m, le lac s’es format per freatomagmatisme, autrament dit 'quò-es un maar. De fòrma globalament circulara embei un diamètre de 700 m e una superficia de 44 ha, a una profondor moiana de 29,5 m e une profondor maximala de 92 m, ce que'n fait le mai plond d'Auvèrnha (siá un volum delh torn de 13 millions de m3 d'aiga).
Es visitat per elh torn de 200 000 pressonas per an. L'aiga Cosa Pavent que passa a 300 m del lac es mas parcialament alimentada per aquel darrèir.
Es d'origina franc recenta contrarament au massís de los Monts Dòr. Sembla que se seguèsse format après la periòda d'activitat volcanica que creèt la chadena de los Puèis, siá i a elh torn de 6 900 ans, ce que'n fait v-un de los mai joines edifices volcanics de França metropolitana. Es pas liat 'bei la chadena de los Puèis. L'explosion que l'a format seguèt franc violenta : de traças d'aquel evenament seguèron retrobadas jusca dins los sediments del lac Leman e dins d'autres lacs soïsses, e le volum de l'erupcion es estimat a 75 millions de m3.
Per temps clar, le ciau bleu que se miralha dins l'aiga aparèis franc colorat, quasi bleu nuèit. Mas per temps de mudada, sas aigas plondas aparèisson franc escuras, ce que li a vaugut sens dobte le nom de Pavent.
Las aigas oxigenadas del lac Pavent abriton de zooplancton e de peissons notadament l'omble chevalier evoluant en aiga plonda (30 m). Las aigas plondas on una densitat de mai de 10 millions de bactèris per millilitre d’aiga (densitat dètz còps superiora a aquela de los lacs estandard), notadament d'archaeas metanogènas ('quò-es dire productriças de metan), coma d'autras espèças consomatriças d'aquel mèma gaz, quauqu'unas archaeas podrion oxidar una partida del metan que produison per le consomar[3].
Toponimia
[modificar | Modificar lo còdi]Pavent vòl dire "esfroiable" [4].
Aquel mot ven del latin pavens (participe adjectivat de pavere que signifia « èstre espaventat »). Le nom del « lac Pavent » vodriá donca dire, « lac espaventable ».
Referéncias
[modificar | Modificar lo còdi]- ↑ Collectatge IEO 63, dins le parlar de vès Picharanda.
- ↑ Henry Gaudru, Évelyne Pradal. {{{títol}}}..
- ↑ A. C. Lehours, J. F. Carrias, C. Amblard, T. Sime-Ngando, G. Fonty, « Les bactéries du lac Pavin », Pour la science, janvier 2010, p. 30-35.
- ↑ {{{títol}}}. ISBN 2-7005-0319-8. BNF 38860579r.
