Portal de l’environament e del desvolopament durable
L'environament es lo mitan dins lo qual un èsser vivent fonciona, en inclure l'aire, l'aiga, lo sòl, las ressorsas naturalas, la fauna, la flòra e los èssers umans. Tanben es, a un moment donat, l'ensemble dels factors fisics, quimics, biologics e socials susceptibles d'aver un efièch dirècte o indirècte, immediat e futur suls èssers vivents e las activitats umanas.
Fondada d'en primièr suls concèptes e teorias desvolopadas per l'ecologia scientifica, la preocupacion del public e dels politics per la qualitat de l'environament s'es mesa en plaça progressivament en seguida de l'impacte qu'an agut las catastròfas d'origina umana sus nòstra vision de nòstra relacion a la planeta.
Lo Grop Intergovernamental sul Cambiament Climatic, en anglés: Intergovernmental Panel on Climate Change (GICC) es un organisme intergovernamental de las Nacions Unidas, dedicat a porgir al monde una vision objectiva e scientífica del cambiament climatic, dels seus impactes e risques naturals, politics e economics, e de las opcions de responsa possiblas.
14 de decembre de 2019: Time magazine nomenèt l'activista del clima Greta Thunberg "Persona de l'Annada" 2019. La suedesa de 16 ans es actualament la pus jova recipiendària del prèmi de de 92 ans.
L'extincion d'una espècia es sa desapareguda sus un territòri, dins un abitat, un biòma. En biologia e en ecologia, l'extinction es l'avaliment total d'una espècia o d'un grop de taxons, que demesís la biodiversitat. (...)
Al començament de las annadas 2000, los expèrts estimavan que mai de la mitat de las espècias viventas se podián atudar abans 2100. Aquela prevision foguèt contestada per Bjorn Lomborg, mas fin 2014 una novela evaluacion publicada dins la revista Nature conclutz qu'es impossible de quantifiar precisament tota la biodiversitat, mas per las espècias conegudas la situacion s'agrava : los amfibians son pus menaçats (41 % d'espècias en dangièr), dabant los aucèls (26 %) e los mamifèrs. 60 % des coralhs poirián morir abans quitament 2050. Se òm considèra la forqueta d'una evaluacion prospectiva (36 000 espècias desapareisson per an vèrs 2010-2014) la 6ena extincion (75 % de las espècias aurián alara desaparegudas) poiriá advenir vèrs 2200 (se rés es pas fait per l'evitar).
.svg)
