Lac Leman
| Lac leman | ||
 |
||
| Administracion | ||
| País | França, Soïssa | |
|---|---|---|
| Geografia | ||
| Coordenadas | 46° 27′ N, 6° 33′ E | |
| Tipe | lac natural | |
| Origina | tectonica e glaciària | |
| Superfícia | 581,3 km2 |
|
| Idrografia | ||
| Alimentacion | Ròse, Dranse, Venoge, Aubonne, Versoix, Morge, Veveyse, Promenthouse, Chamberonne, Eau Froide, Baye de Montreux, Vuachère, Morges, Forestay, Hermance | |
| Emissari(s) | Ròse | |
modificar  |
||
Lo lac Leman o lac de Genèva es un lac d'origina glaciària situat en Soïssa e en França ; per sa superfícia, es lo mai grand lac alpenc e subalpenc d'Euròpa Centrala.
Lo lac, d'una longor d'aperaquí 72,8 km e d'una largor maximala inferiora a 14 km, es en forma de creissent orientat de l'èst cap a l'oèst. Lo ribatge nòrd e las doas extremitats son soïssas (partejat entre los cantons de Genèva, de Vaud e lo canton de Valés), lo ribatge sud èst francés dependent del departament de la Nauta Savòia e de la region Auvèrnhe Ròse Aups. La frontièra passa al mitan del lac[1].
Lo Leman es traversat d'èst en oèst per lo Ròse que, amb 75 % dels apòrts, constituís lo principal afluent del lac[2]. Sa formacion a d'originas multiplas : plegament tectonic per la part del Grand-Lac e accion del glacièr de Ròse pel Pichon-Lac (entre Yvoire e Genèva). S'es format durant la retirada del glacièr de Ròse après lo darrièr periòde glacari, i a près de 15 000 ans. Sas ribas son estadas fortament artificializadas[3].
Origina e geologia
[modificar | modificar lo còdi]Se plusors ipotèsis existisson sus la formacion del lac, las recercas mai recentas insistisson sul cavament del bacin de Leman per las avançadas del glacièr de Ròse durant las grandas fasas successivas de glaciacion[4]. D'efièch, lo glacièr de Ròse cobrissiá la region de l'actuala Vevey d'aperaquí un quilomètre de glaç e la region genevesa d'aperaquí 700 mètres. Durant lo periòde Glaciari de Würm, lo glacièr de Ròse davalava dempuèi Valés e se desseparava en doas parts distintas al contacte de Jura ; una partissent cap al sud en direccion de Genèva puèi Lion, l'autra en direccion del nòrd sul plan soís per s'integrar al Ren. A la fin d'aquesta glaciacion, a la reculada del glaç, un afluent del Pichon Lac cavèt lo lindal d'Yvoire e metèt en comunicacion los dos bacins versants aperavans separats; lo Leman prenguèt aital sa forma actuala.
Referéncias
[modificar | modificar lo còdi]- ↑ . www.ge.ch..
- ↑ Caractéristiques du Léman, CIPEL, consultat lo Modèl:Date-.
- ↑ Jean-Blaise Besençon, Plongée dans le Léman secret ; À travers les grands herbiers du Léman, découverte des brèmes, des brochets, des tanches et des paysages magiques des vastes prairies lacustres, Modèl:Date-.
- ↑ W. Wildi, A. Moscariello et A. Pugin, « Histoire glaciaire du Léman », p. 399-414, dans: C. Bertola, C. Goumand et J.-F. Rubin, Découvrir le Léman. 100 ans après François-Alphonse Forel (Actes du colloque pluridisciplinaire, Nyon, 16-18 septembre 1998), Slatkine, Genève, 1999, 880 p.