La Honda (Califòrnia)
|
La Honda
| |||||||
|---|---|---|---|---|---|---|---|
| |||||||
| Geografia fisica | |||||||
|
| |||||||
| Coordenadas | 37° 19′ 08″ N, 122° 16′ 27″ O | ||||||
| Superfícia | 10,36 km² | ||||||
| Geografia administrativa | |||||||
| País |  Estats Units
| ||||||
| Estat |  Califòrnia
| ||||||
| Comtat |  San Mateo
| ||||||
| Cònsol | |||||||
| Còde ZIP | 94020[1] | ||||||
| Code FIPS | 06-39318 | ||||||
| GNIS | 2628746 | ||||||
| Indicatiu(s) telefonic(s) local(s) | 650 | ||||||
| Geografia umana | |||||||
| Populacion (2010) | 928[2] | ||||||
| Densitat | 84 ab./km² | ||||||
| Autras informacions | |||||||
| Fus orari | PST (UTC -8) | ||||||
| · estiu (DST) | PDT (UTC -7) | ||||||
| Gentilici | La Hondan (en anglés) | ||||||
La Honda (espanhòl per "la fronda"[3]) es una census-designated place del comtat de San Mateo de Califòrnia, situada sul penjal occidental dels Monts de Santa Cruz. La vila es traversada per la Rota 84 (la porcion locala es tanben designada "La Honda Road" o la "Rota de La Honda") e lo Rèc de La Honda, e confronta l'Espaci Verd del Rèc de La Honda. Comptava 928 abitants al Recensament de 2010.[2]
Geografia
[modificar | Modificar lo còdi]Situacion
[modificar | Modificar lo còdi]La vila se tròba a aperaquí 20km al nòrd-èst de Pescadero, 12,8km a l'èst del vilatge de San Gregorio, 12,5km al nòrd-èst de Loma Mar, 19,3km al sud de Woodside, e 29km al sud-sud-èst de Half Moon Bay.
Clima
[modificar | Modificar lo còdi]
Aquela region coneis d'estius cauds (mas pas fòrça) e secs, amb una temperatura mejana del mes pus caud inferiora a 22 °C. Segon la classificacion de Köppen, lo clima de La Honda es de tipe mediterranèu d'estiu temperat (Csb).[4] Coma una granda partida de Califòrnia, la vila recep la majoritat de sa pluèja entre novembre e abril. En rason d'El Niño, la region recep de còps de pluèjas d'ivèrn suplementàrias, çò que la rend vulnerable als esboldraments. Scenic Drive, una rota locala, vegèt tres esboldraments dempuèi 1998.[5] [6] [7] Amb d'altituds van de 96 m a la confluéncia dels rècs La Honda e Alpin a mai de 430 m dins las sèrras a son limit nord-èst, lo temps varia entre las valadas e las còlas. De còps, la jaça marina[8] es tròp bassa per aténher las còlas, que laissa las altituds mai bassas brumosas o cobèrtas pendent que las còlas o las montanhas veson d'un temps clair. D'unas nuèits d'ivèrn, de jaças d'inversion empresonan l'aire freg dins las valadas, çò que entraïna lo gèl, las altituds pus elevadas rèstan generalament mai doças. Aquelas condicions meteorologicas se produson dins la màger part dels Monts de Santa Cruz fàcia a la còsta.
Abitat
[modificar | Modificar lo còdi]La Honda abriga de bòsques segondaris de sequòias e d'avets de Douglas. Abriga tanben de bòsques mixtes, zònas arbustivas o erbacèas, particularament suls versants de sas còlas.
-
Una selva de sequòias còstièras a Play Bowl, una valada traversada pels sendièrs e pel Rèc de La Honda, situada al cap de Play Bowl Drive. -
Lo Rèc de La Honda a Play Bowl. -
Un pasturatge entre las doas vilas de La Honda e San Gregorio, vista de la Rota 84. -
-
Las còlas de bòsques, d'èrbas e de chaparral entre l'èst de La Honda e l'Ocean Pacific.
Idrografia
[modificar | Modificar lo còdi]La CDP abriga de 6 rivets dins sos limits: La Honda, Woodruff, Langley, Woodhams, Alpine e Mindego.
Demografia
[modificar | Modificar lo còdi]
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| 2000 | 2010 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ? | 928 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Istòria
[modificar | Modificar lo còdi]Istòria precolombiana
[modificar | Modificar lo còdi]Lo comtat de San Mateo èra poblat pels Ohlone, que visquèron dins pus de 40 vilatges de la region pendent almens 3 000 ans abans l’arriba dels europèus. Los ohlone de La Honda èran caçaires-culheires e cultivàven pas d'aliment ni abalissián pas de bestial.[9]
Exploracion e fondacion
[modificar | Modificar lo còdi]Los exploradors espanhòls de l'expedicion de Portolà passèron prèp de la region en octòbre de 1769. Jos l'Empèri de Mexic e per un temps aprèp la Guèrra americanomexicana, la region qu'ara es La Honda fasiá partit del Rancho de San Gregorio. Lo rancho èra limitat a l'èst per l'Arroyo Hondo, ara conegut coma lo Rèc de La Honda, qu'es una font possible del nom "La Honda". Un dels primièrs residents conegut foguèt John Sears. En 1862, crompèt 400 acres dins la region e s'i establiguèt aprèp lo declin de l'industria de la fusta a sa residéncia precedenta de Searsville. Mai tard, lo centre de la vila vièlha de La Honda (Old La Honda en anglés) foguèt desplaçat per Sears, a sa localizacion actuala. Son ancian ostal, sus Sears Ranch Road, es ara una residéncia privada. Una granda partida de l'istòria anciana de la vila es ligada a l'industria de la fusta.[9]
Istòria recenta
[modificar | Modificar lo còdi]Dins los ans 1960, La Honda abrigava los Merry Pranksters, qu'utilizavan lo LSD e autras drògas;[10] Neal Cassady, menaire de l'autobus apelat «Furthur»;[11] e l'ostal de Ken Kesey, autor de «One Flew Over the Cuckoo's Nest» e autres libres.
Festivitats
[modificar | Modificar lo còdi]- Fièra e festival musical de La Honda (oficialament en anglés La Honda Fair & Music Festival) — annadièr, en junh.[12][13]
Escòlas
[modificar | Modificar lo còdi]La vila a pas qu'una sola escòla, jol nom d'Escòla primària de La Honda (formalament en anglés La Honda Elementary School e en espanhòl Escuela Primaria La Honda)[14]
Luòcs e monuments
[modificar | Modificar lo còdi]- Apple Jack's
- Reflection Lake (Lac de Refleccion)
- Our Lady of Refuge (glèisa catolica)
- La Honda Country Market
- La Honda Gardens (Jardins de La Honda)
- La Honda Store State Historic Landmark
- La Honda Fire Brigade
- La Honda Playground
- La Honda Pool
- Play Bowl
- La Honda Winery
- Water District Trail
- Roquena Trail (Sendièr de Roquena)
- Scenic Drive
-
Reflection Lake -
La Honda Playground
Personalitats que visquèron a La Honda
[modificar | Modificar lo còdi]Ligams extèrnes
[modificar | Modificar lo còdi]- (en) Site oficial de l'escòla primària
- (en) Site de l'associacion dels proprietaris, Cuesta La Honda Guild
- (en) Site oficial de l'Espaci verd del rèc de La Honda
- (en) Pagina oficiala de la fièra de La Honda
Nòtas e referéncias
[modificar | Modificar lo còdi]- (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « La Honda, California ».
- ↑ .
- ↑ 2,0 et 2,1 .
- ↑ [1].
- ↑ Climate Summary for La Honda, California
- ↑ .
- ↑ .
- ↑ .
- ↑ Traduccion literala de marine layer, tèrme anglés que significa una massa d'aire que se desvolopa al-dessús d'una massa d'aiga en preséncia d'una jaça d'inversion
- ↑ 9,0 et 9,1 [2]. ISBN 0738547387.
- ↑ Wolfe, Tom: "The Electric Kool-Aid Acid Test".
- ↑ .
- ↑ .
- ↑ .
- ↑ .
