La Honda (Califòrnia)

Un article de Wikipèdia, l'enciclopèdia liura.
Salta a la navegació Salta a la cerca


La Honda

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
La Honda vista de Rota 84.
Airal de jòc de La Honda.
Rasims dins la bruma a La Honda.
Lo bar, Apple Jack's.
La Honda vista de Rota 84; l'airal de jòc de La Honda; rasims dins la bruma a La Honda; lo bar, Apple Jack's.
Geografia fisica

Localizacion de La Honda
Emplaçament de La Honda

Coordenadas 37° 19′ 08″ N, 122° 16′ 27″ O
Superfícia 10,36 km²
Geografia administrativa
País Bandièra dels Estats Units Estats Units
Estat Bandièra de Califòrnia Califòrnia
Comtat Sègle del comtat de San Mateo San Mateo
Cònsol
Còde ZIP 94020[1]
Code FIPS 06-39318
GNIS 2628746
Indicatiu(s) telefonic(s) local(s) 650
Geografia umana
Populacion (2010) 928[2]
Densitat 84 ab./km²
Autras informacions
Fus orari PST (UTC -8)
· estiu (DST) PDT (UTC -7)
Gentilici hondan -a*
La Hondan (en anglés)

La Honda (espanhòl per "la fronda"[3]) es una census-designated place del comtat de San Mateo de Califòrnia, situada sul penjal occidental dels Monts de Santa Cruz. La vila es traversada per la Rota 84 (la porcion locala es tanben designada "La Honda Road" o la "Rota de La Honda") e lo Rèc de La Honda, e confronta l'Espaci Verd del Rèc de La Honda. Comptava 928 abitants al Recensament de 2010.[2]

Geografia[modificar | modificar la font]

Situacion[modificar | modificar la font]

La vila se tròba a aperaquí 20km al nòrd-èst de Pescadero, 12,8km a l'èst del vilatge de San Gregorio, 12,5km al nòrd-èst de Loma Mar, 19,3km al sud de Woodside, e 29km al sud-sud-èst de Half Moon Bay.

Clima[modificar | modificar la font]

Lo rebastiment de Scenic Drive en 2013 aprèp l'esboldrament de 2005.

Aquela region coneis d'estius cauds (mas pas fòrça) e secs, amb una temperatura mejana del mes pus caud inferiora a 22 °C. Segon la classificacion de Köppen, lo clima de La Honda es de tipe mediterranèu d'estiu temperat (Csb).[4] Coma una granda partida de Califòrnia, la vila recep la majoritat de sa pluèja entre novembre e abril. En rason d'El Niño, la region recep de còps de pluèjas d'ivèrn suplementàrias, çò que la rend vulnérable als esboldraments. Scenic Drive, una rota locala, vegèt tres esboldraments dempuèi 1998.[5] [6] [7] Amb d'altituds van de 96 m a la confluéncia dels rècs La Honda e Alpin a mai de 430 m dins las sèrras a son limit nord-èst, lo temps varia entre las valadas e las còlas. De còps, la jaça marina[8] es tròp bassa per aténher las còlas, que laissa las altituds mai bassas brumosas o cobèrtas pendent que las còlas o las montanhas veson d'un temps clair. D'unas nuèits d'ivèrn, des jaças d'inversion empresonan l'aire freg dins las valadas, çò que entraïna lo gèl, las altituds pus elevadas rèstan generalament mai doças. Aquelas condicions meteorologicas se produson dins la màger part dels Monts de Santa Cruz fàcia a la còsta.

Abitat[modificar | modificar la font]

La Honda abriga de bòsques segondaris de sequòias e d'avets de Douglas. Abriga tanben de bòsques mixtes, zònas arbustivas o erbacèas, particularament suls versants de sas còlas.

Clicatz sus una vinheta per l’agrandir.

Idrografia[modificar | modificar la font]

La CDP abriga de 6 rivets dins sos limits: La Honda, Woodruff, Langley, Woodhams, Alpine e Mindego.

Demografia[modificar | modificar la font]

v · d · m
Evolucion demografica
Picto infobox character.png
20002010
?928


Istòria[modificar | modificar la font]

Istòria precolombiana[modificar | modificar la font]

Lo comtat de San Mateo èra poblat pels Ohlone, que visquèron dins pus de 40 vilatges de la region pendent almens 3 000 ans abans l’arriba dels europèus. Los ohlone de La Honda èran caçaires-culheires e cultivàven pas d'aliment ni abalissián pas de bestial.[9]

Exploracion e fondacion[modificar | modificar la font]

Los exploradors espanhòls de l'expedicion de Portolà passèron prèp de la region en octòbre de 1769. Jos l'Empèri de Mexic e per un temps aprèp la Guèrra americanomexicana, la region qu'ara es La Honda fasiá partit del Rancho de San Gregorio. Lo rancho èra limitat a l'èst per l'Arroyo Hondo, ara conegut coma lo Rèc de La Honda, qu'es una font possible del nom «La Honda». Un dels primièrs residents conegut foguèt John Sears. En 1862, crompèt 400 acres dins la region e s'i establiguèt aprèp lo declin de l'industria de la fusta a sa residéncia precedenta de Searsville. Mai tard, lo centre de la vila vièlha de La Honda (Old La Honda en anglés) foguèt desplaçat per Sears, a sa localizacion actuala. Son ancian ostal, sus Sears Ranch Road, es ara una residéncia privada. Una granda partida de l'istòria anciana de la vila es ligada a l'industria de la fusta.[9]

Istòria recenta[modificar | modificar la font]

Dins los ans 1960, La Honda abrigava los Merry Pranksters, qu'utilizavan lo LSD e autras drògas;[10] Neal Cassady, menaire de l'autobus apelat «Furthur»;[11] e l'ostal de Ken Kesey, autor de «One Flew Over the Cuckoo's Nest» e autres libres.

Festivitats[modificar | modificar la font]

  • Fièra e festival musical de La Honda (oficialament "La Honda Fair & Music Festival") -- annadièr, en junh.[12][13]

Escòlas[modificar | modificar la font]

La vila a pas qu'una sola escòla, jol nom de «Escòla primària La Honda» (formalament en anglés «La Honda Elementary School» e en espanhòl «Escuela Primaria La Honda»)[14]

Luòcs e monuments[modificar | modificar la font]

  • Apple Jack's
  • Reflection Lake
  • Our Lady of Refuge (glèisa catolica)
  • La Honda Country Market
  • La Honda Gardens
  • La Honda Store State Historic Landmark
  • La Honda Fire Brigade
  • La Honda Playground
  • La Honda Pool
  • Play Bowl
  • La Honda Winery
  • Water District Trail
  • Roquena Trail
  • Scenic Drive
Clicatz sus una vinheta per l’agrandir.

Personalitats que visquèron a La Honda[modificar | modificar la font]

Ligams extèrnes[modificar | modificar la font]

Nòtas e referéncias[modificar | modificar la font]

  1. « ZIP Code by City and State », U.S. Postal Service (consultat lo 13 abril 2019)
  2. 2,0 et 2,1 « La Honda CDP, California », U.S. Census Bureau (consultat lo 19 abril 2019)
  3. (en) Gannett, Henry, The Origin of Certain Place Names in the United States, Government Printing Office, , 179 p. (legir en linha)
  4. Climate Summary for La Honda, California
  5. « Mudslides, Flooding and Road Closures…and More on the Way », The La Honda Voice (consultat lo 19 abril 2019)
  6. « La Honda landslide destroys home, road », Half Moon Bay Review (consultat lo 19 abril 2019)
  7. « La Honda landslide: Three homes red-tagged, and a community rallies », Mercury News (consultat lo 19 abril 2019)
  8. Traduccion literala de marine layer, tèrme anglés que significa una massa d'aire que se desvolopa al-dessús d'una massa d'aiga en preséncia d'una jaça d'inversion
  9. 9,0 et 9,1 (en) Bob Dougherty, La Honda, Arcadia Publishing, (ISBN 0738547387, legir en linha)
  10. Wolfe, Tom: "The Electric Kool-Aid Acid Test".
  11. « Ken Kesey’s original magic bus being restored »,‎
  12. « La Honda Fair », La Honda-Pescadero Unified School District (consultat lo 19 abril 2019)
  13. « La Honda Fair & Music Festival », La Honda Fair & Music Festival (consultat lo 19 abril 2019)
  14. « La Honda Elementary School », La Honda-Pescadero Unified School District (consultat lo 17 abril 2019)