Domenico Zipoli
Domenico Zipoli (Prato, Itàlia, lo 17 d'octòbre de 1688 - Córdoba, Argentina, lo 2 de genèr de 1726) que ho un compositor de musica barròca de neishença italiana e mort en Argentina. D'obediéncia jesuita, qu'ensenhè la musica aus guaranís de las missions jesuitas de Paraguai e qu'èra, alavetz, de segur, lo màger compositor europèu establit dens lo navèth monde.
Qu'estudiè a Florença a partir de 1707 puish dab Alessandro Scarlatti a Nàpols. En 1716 que viatgè de cap a Sevilha d'on e s'embarquè entà l'America a Paraguai. L'annada seguenta qu'èra acasit a Còrdoba on acabè las soa formacion entà vàder prèste shens pas jamei aver lo parat d'estar ordonat per'mor de la manca de bisbe per ocupar lo sèti. Que's morí dens aquesta ciutat en 1726.
