Francesco Geminiani

Francesco Geminiani

Francesco Geminiani (Luca, lo 5 de deceme de 1687 - Dublin, lo 17 de seteme de 1762) que ho un compositor italian d'estil barròc e un violonista, discípol d'Arcangelo Corelli e d'Alessandro Scarlatti.

Que gavidè l'operà de Nàpols a partir de 1711 puish que he ua importanta partida de la soa carrièra en Anglatèrra on e tribalhè dab Georg Friedrich Händel.

Vadut en Toscana, que comencè a apréner lo vriulon dab lo pair puish qu'avó Alessandro Scarlatti (a Nàpols) e Arcangelo Corelli (a Roma) com mèstes. Que comencè la soa carrièra de violonista professionau a Lucca e a Nàpols en bèth hargà's ua reputacion de virtuòse deus grans e abans de virà's de cap ad Anglatèrra en 1714.

Qu'obtiengó succès deus prestigiós acerà en bèth jogar dab Georg Frederich Haendel (format musicaument a l'escòla italiana e eth tanben dab Corelli) entau rei Georg I d'Anglatèrra. A despart deus sons concèrts qu'ensenhè lo vriulon e que publiquè la soa musica en Anglatèrra e tanben un tractat teoric suu jòc deu vriulon devath lo títol de The Art of Playing the Violin.

En Anglatèrra qu'avó enter los sons eslhèves mei famós Charles Avison, Matthew Dubourg, Michael Christian Festing, Bernhard Joachim Hagen e Cecilia Young.

Geminiani que compausè tres opus de concertos grossos (los opus 2 - 1732 -, 3 - 1733 - e 7 - 1746 -) e tanben sonatas.

Ligams extèrnes

• [1] Particions gratis e còpia de l'edicion originau de The art of Playing the Violin suu site de l'International Music Score Library Project.
• [2] Sus youtube.com, allegro d'ua sonata de Geminiani.