1762

Un article de Wikipèdia, l'enciclopèdia liura.
Anar a : navigacion, Recercar

1762

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
1759 1760 1761  1762  1763 1764 1765

Decennis :
1730 1740 1750  1760  1770 1780 1790
Sègles :
Sègle XVII  Sègle XVIII  Sègle XIX
Millennis :
Millenni I  Millenni II  Millenni III


Cronologia mesadièra :
Gen - Feb - Mar - Abr - Mai - Junh
Julh - Ago - Set - Oct - Nov - Dec


Cronologias tematicas :
Arquitectura Drech Literatura Teatre


Autres calendièrs :
Roman Chinés Gregorian Ebrieu Indó Musulman Persan Republican

Aquesta pagina concernís l'an 1762 del calendièr gregorian.


Eveniments[modificar | modificar la font]

Occitània[modificar | modificar la font]

França[modificar | modificar la font]

Article detalhat : Guèrra de Sèt Ans.
Representacion de la batalha de Signal Hill.

Perseguida de la Guèrra de Sèt Ans amb una tiera de desfachas suplementàrias sus totei lei frònts en despiech de l'intrada en guèrra d'Espanha dins lo camp francoaustrian. D'efèct, dins lei colonias deis Antilhas, Martinica foguèt ocupada en febrier e en Canadà, una pichona temptativa de còntra-ofensiva s'acabèt per una desfacha definitiva a la batalha de Signal Hill (15 de setembre). En Euròpa, l'invasion francoespanhòla de Portugau foguèt arrestada en aost e en Alemanha, l'armada francesa, totjorn incapabla d'aprofichar sa superioritat numerica, perdiguèt Cassel qu'èra un important centre d'avitalhament. Ansin, a la fin de l'annada, lo rèi Loís XV acceptèt de negociar la patz e d'acabar la guèrra.

Euròpa[modificar | modificar la font]

Article detalhat : Guèrra de Sèt Ans.

Àustria[modificar | modificar la font]

Totjorn implicada dins la Guèrra de Sèt Ans, Àustria foguèt tocada per una grèva crisi economica e financiera. Per estabilizar la situacion, lo govèrn chausiguèt de redurre son armada a 100 000 òmes. Pasmens, conjugada ambé lo retirament rus consecutiu a la mòrt d'Eisabèu de Russia lo 5 de genier, aquò permetèt ai Prussians de mobilizar tornarmai de fòrças numericament superioras. Ansin, poguèron liberar lei territòris ocupats per Àustria durant la guèrra e infligir una desfacha saunosa a sei generaus a la batalha de Freiberg (29 d'octòbre).

Espanha[modificar | modificar la font]

Bombardament de L'Avana per lei Britanics.

Après d'annadas d'esitacions, Espanha chausiguèt de participar a la Guèrra de Sèt Ans dins lo camp francés lo 4 de genier. Aquò entraïnèt una declaracion de guèrra de Portugau, aliat tradicionau de Londres. Sostenguda per França, l'armada espanhòla comencèt donc l'invasion de son vesin e capitèt de capturar Almeida en aost. Pasmens, l'arribada de renfòrç britanic permetèt de restablir la situacion a la batalha de Valencia de Alcántara (27 d'aost). Dins lei colonias, sensa l'ajuda de la flòta francesa, leis Espanhòus foguèron batuts mai d'un còp e perdiguèron L'Avana (13 d'aost) après dos mes de sètge e Manila (6 d'octòbre) après doas setmanas de combats.

Prússia[modificar | modificar la font]

Carta de la batalha de Freiberg.

Après la pèrda de Kolberg en decembre de 1761 e l'afondrament de seis efectius, Prússia èra en dificultat militara e podiá pas una armada de mai de 60 000 òmes. Pasmens, la mòrt d'Eisabèu de Russia lo 5 de genier e son remplaçament per Pèire III, favorable ai Prussians, permetèron de conclure la patz sus lo frònt orientau. De mai, Àustria èra tanben tocada per una crisi economica grèva e deguèt redurre la talha de sei fòrças militaras. Dins aqueu contèxte, lo rèi Frederic II mobilizèt sei darrierei ressorsas per formar una armada de 120 000 òmes. Amb aquelei tropas, son fraire Enric infligiguèt una desfacha ais Austrians a Freiberg (29 d'octòbre) que permetèt de tornar conquistar la màger part dei territòris ocupats per seis adversaris durant la guèrra (→ 1763).

Reiaume Unit[modificar | modificar la font]

Après sei victòrias de 1760 e de 1761, lo Reiaume Unit contunièt d'enregistrar de succès importants còntra lei colonias francesas largament abandonadas per París. D'efèct, au començament de l'annada, una expedicion navala capitèt de conquistar Martinica (febrier). De mai, ambé la declaracion de guèrra espanhòla dau 4 de genier, lei possessions espanhòlas venguèron pereu de butas, çò que permetèt d'ocupar L'Avana (13 d'aost) e Manila (6 d'octòbre). Aprofichant la concentracion de la marina britanica dins leis Antilhas, lei Francés organizèron una pichona còntra-ofensiva en Canadà que s'acabèt per una revirada a la batalha de Signal Hill.

Sus lo continent, lei soudats e lei mercenaris britanics obtenguèron tanben de resultats positius. En Portugau, participèron au blocatge de l'invasion francoespanhòla. Pasmens, lei succès pus importants foguèron enregistrats dins lo nòrd d'Alemanha onte l'armada francesa perdiguèt Cassel en novembre. Après aquela darriera desfacha, França decidèt definitivament de negociar e Londres obliguèt Prússia, dependenta de son sostèn financier, d'acabar la guèrra (→ 1763).

Africa[modificar | modificar la font]

Sennar[modificar | modificar la font]

Reversament dau sultan Badi IV (1724-1762) per un còp d'estat menat per son fiu Nasir (1762-1769). Lo sultan descaigut capitèt de s'enfugir dins lo nòrd d'Etiopia onte foguèt nomat governador d'una província frontaliera de Tigre per lo ras de Tigre. Aqueu còp es considerat coma l'acomençament dau declin finau dau Reiaume Funj car, en parallèl dau cambiament de sultan, veguèt lo renfòrçament de l'autoritat dau vizir Sheikh Adelan e de son fraire Abu Kalec, governador de Kordofan, que venguèt lei caps vertadiers dau Sultanat. Òr, aquò devesiguèt l'aristocracia funj que venguèt mai autonòma e se preocupèt de mens en mens deis òrdres venguts de l'autoritat centrala.

Arts[modificar | modificar la font]

Filosofia[modificar | modificar la font]

Publicacion de Dau Contracte sociau ò Principes dau drech politic dau filosòf francés Jean-Jacques Rousseau (1712-1778). Òbra major dau periòde dei Lutz, afierma lo principi de la sobeiranetat dau pòble sostengut per lei nocions de libertat, d'egalitat e volontat generala. Aplicadas a partir de la Revolucion Francesa, aqueleis idèas fan partida de la basa de la màger part deis estats modèrnes.

Sciéncias e tecnicas[modificar | modificar la font]

Economia[modificar | modificar la font]

Naissenças[modificar | modificar la font]

Decèsses[modificar | modificar la font]


Commons-logo.svg

Wikimedia Commons prepausa de documents multimèdia liures sus 1762.