Marco Uccellini

Marco Uccellini (Forlimpopoli, 1603 o 1610 - Parma, 1680) que ho violonista e un deus purmèrs compositors barròcs italians.

Qu'estudiè au seminari d'Assisi. Que ho Mèste deus musicians (Capo degl’ instrumentisti) a la cort d'Este enter 1641 e 1662 e Mèste de capèra a la catedrala de Modena enter 1647 e 1665.

Après, que ho mèste de capera a la cort Farnese a Parma dinc a la soa mort. Qu'i avó lo parat de compausar opèras e balets que non son pas parvienguts dinc a uei lo dia.

Que conservam mei que mei la soa musica instrumentau : sonatas e concertos. Qu'ei uei hèra famós per'mor de la soa Bergamasca e qu'ei tanben reputat estar un deus purmèrs compositors referençat per aver emplegada la sheisau posicion de la man esquèrra au vriulon.

Ligam extèrne[modificar | modificar la font]

Don Marco Uccellini: Sonata over Canzoni Op 5 (1649). Performed by Arparla with Davide Monti (baroque violin) and Maria Christina Cleary (arpa doppia). Stradivarius STR 37023, 2015. http://www.stradivarius.it/scheda.php?ID=801157037023500
www.arparla.it
[1]Sus youtube.com, l'Ensemble barròc de Cleveland interpretant La Bergamasca.
[2] Particion a gratis suu site de WIMA.
[3] Edicion originau suu site de l'International Music Score Library Project.