Carmina Virgili
Carmina Virgili i Rodon (19 de junh de 1927, Barcelona – 21 de novembre de 2014, Barcelona) es una geològa e una frema politica catalana.
Nascuda dins una familha catalana, intrèt a l'Universitat de Barcelona ont obtenguèt un diplòma de Sciéncias Naturalas en 1949. Puei, quatre ans pus tard, jonhèt lo departament de geologia de l'universitat e ne venguèt doctor en 1956. En parallèl, aviá començat d'ensenhar e se destrièt ambé l'escritura d'un libre d'introduccion ai sciéncias naturalas que foguèt tornat editar mai d'un còp[1]. En 1963, venguèt professora a l'universitat d'Oviedo. A partir de 1972, foguèt tanben en cargat de cors importants a París e a Estrasborg.
Après la fin dau franquisme, foguèt Secretària d'Estat ais Universitat e a la Recèrca dau govèrn espanhòu de 1982 a 1985. Puei, de 1996 a 2000, foguèt tanben senatritz de Barcelona sota l'etiqueta dau Partit dei socialistas de Catalonha[2]. Durant sa vida, publiquèt un centenau d'articles, sustot sus la geologia e la paleografia dei periòdes dau Permian e dau Triassic de Catalonha e de l'Euròpa Occidentala, e recebèt plusors guierdons prestigiós coma la Legion d'Onor.
Publicacions principalas[modificar | Modificar lo còdi]
- El Tríasico de los Catalànides (1958).
- El Jurásico de Asturias (Norte de España) (1971).
- Le Permien en Espagne. article de The Continental Permian in Central, West and South Europe (1976).
- Problemas de la cronoestratigrafía del Trías en España (1977).
- Cartografía del Triásico y Pérmico del Borde Oriental del Sistema Central y Rama Castellana de la Cordillera Ibérica (1980).
- El relleno posthercínico y la sedimentación mesozoica (1983).
- El Triásico (1985).
- The Permian-Triassic transition: Historical review of the most important ecological crises with special emphasis on the Iberian Peninsula and Western-Central Europe (2008).