Triassic

Lo Triassic es un dels tres periòdes geologics de l'Èra Mesozoïca; comencèt fa 251,0 ± 0,4 milions d'ans e s'acabèt fa 199,6 ± 0,6 milions d'ans. Coma per la majoritat dels periòdes geologics, las datas exactas de començament e de fin son incèrtas a qualques milions d'ans près. Dins lo cas d'aqueste periòde, tant lo començament coma la fin son mercats per d'importants eveniments d'estenhement: l'escantiment massís del Permian-Triassic e lo del Triassic-Jurassic.

Los primièrs mamifèrs, qu'evolucionèron dels sinapsidas, faguèron la siá aparicion en aqueste periòde, saique per encausa dels cambiaments de clima qu'i aguèt, e la deriva continentala, que motivèron la granda regression marina del Triassic: totas las tèrras se jonhèron (d'una manièra inversa a la d'una transgression marina) per formar lo supercontinent Pangèa (que se divisèt a partir del Jurassic).

Se caracteriza fondamentalament per l'aparicion dels primièrs dinosaures, inicialament representats per de formas bipèdas, carnivòrs e de talha pichona. Pasmens, a de la fin del periòde s'èran ja diverssificat a granda escala e s'èran convertit en vertebrats dominants dins tota la planeta, en provovar l'estenhement de grops anteriors coma los arcosaures mai primitius e quitament los sinapsidas a d'escassas excepcions.

Edats e subdivisions

Lo Triassic est subdevesit en tres epòcas (Trias inferior, mejan e superior) e en set estatges estratigrafics :

• Triassic superior
  • Retian (~208,5 – 201,3 ± 0,2 Ma)
  • Norian (~228 – ~208,5 Ma)
  • Carnian (~235 – ~228 Ma)
• Triassic mejan
  • Ladinian (~242 – ~235 Ma)
  • Anisiaan (247,2 – ~242 Ma)
• Triassic inferior
  • Olenequian (251,2 – 247,2 Ma)
  • Indusian (252,2 ± 0,5 – 251,2 Ma)

Vejatz tanben

• Taula dels temps geologics