Batalha de Basièja
|
Batalha de Basièja
| |
|---|---|
| Informacions generalas | |
| Data | 1219 |
| Luòc | Basièja |
| Eissida | Victòria occitana |
| Belligerants | |
 Crosada deis Albigés
|
 Comtat de Tolosa
|
| Comandants | |
 Foucaud de Berzy |
Ramon VII de Tolosa
|
| Fòrças en preséncia | |
| Importantas | |
| Batalhas | |
La batalha de Basièja se debanèt en 1219 durant la Crosada deis Albigés. Après lo succès defensiu dau sètge de Tolosa de 1217-1218, una tropa crosada foguèt sospresa e destrucha per una armada occitana compausada dei tropas dei còmtes de Tolosa, de Fois e de Comenge.
L'operacion èra una leca per atraire, isolar e anientar una partida de l'armada crosada d'Amalric de Montfòrt ja afeblida per la mòrt de son paire Simon e la desfacha fàcia ai barris tolosencs. Acomencèt quand una armada occitana comandada per Rogièr Bernat de Fois s'embarrèt dins Basièja. Una armada crosada importanta s'i dirigiguèt per faire lo sètge de la vila. Au contrari dau desastre de Murèth, lei senhors occitans establiguèron un plan precís que foguèt seguit. Sosprés, lei Francés deguèron faciar de concentracions de tropas occitanas fòrça importantas e poguèron pas reagir. De grops de cavalariá leugiera equipada d'arcs e de lanças secutèron e desorganizèron lei fòrças francesas. Puei, lo rèsta de la cavalariá e l'infantariá occitana s'ocupèron de leis anientar. Après aquela desfacha, Amalric de Montfòrt, que va resistir fins a 1224, poguèt jamai reünir una armada tant importanta e lei campanhas dei còmtes occitans van donc pauc a pauc reconquistar totei lei territòris perduts dempuei 1209.