1758

Un article de Wikipèdia, l'enciclopèdia liura.
Anar a : navigacion, Recercar

1758

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
1755 1756 1757  1758  1759 1760 1761

Decennis :
1720 1730 1740  1750  1760 1770 1780
Sègles :
Sègle XVII  Sègle XVIII  Sègle XIX
Millennis :
Millenni I  Millenni II  Millenni III


Cronologia mesadièra :
Gen - Feb - Mar - Abr - Mai - Junh
Julh - Ago - Set - Oct - Nov - Dec


Cronologias tematicas :
Arquitectura Drech Literatura Teatre


Autres calendièrs :
Roman Chinés Gregorian Ebrieu Indó Musulman Persan Republican

Aquesta pagina concernís l'an 1758 del calendièr gregorian.


Eveniments[modificar | modificar la font]

Occitània[modificar | modificar la font]

França[modificar | modificar la font]

Pintura representant la batalha de Saint-Cast.
Article detalhat : Guèrra de Sèt Ans.

Annada malaisada per França que contunièt de faciar de dificultats militaras importantas sus totei lei frònts :

  • en Euròpa, Hannover decidèt finalament de contuniar la guèrra e poguèt, gràcias a l'ajuda financiera de Londres, organizar una armada de mercenaris alemands que capitèt d'expulsar lei Francés. Lòng dau litorau, la situacion èra gaire melhora car la flòta britanica menèt plusors incursions còntra Sant-Malòu, Cherborg e Sant-Cast. Cada còp, lei fòrças francesas capitèron de reconquistar lei vilas mai plusors desenaus de naviris foguèron perduts. De mai, la defensa d'aquelei regions empachèt de mandar de renfòrç sus lo frònt continentau.
  • en Canadà, lei Britanics aprofichèron sa superioritat numerica per atacar plusors endrechs d'un biais simultanèu. Ansin, maugrat la victòria de Fort Carillon que permetèt d'arrestar una ataca dirècta còntra Quebèc, Fort Frontenac, Fort Duquesne e Louisbourg foguèron enceuclats e obligats de capitular. De mai, la marina britanica poguèt desbarcar de renfòrç importants (aperaquí 15 000 òmes).
  • ais Índia,s en despiech de quauquei succès locaus, lei renfòrç mandats dins lo corrent de l'annada permetèron pas de tornar conquistar Madras.

Euròpa[modificar | modificar la font]

Article detalhat : Guèrra de Sèt Ans.

Austria[modificar | modificar la font]

Après sa desfacha de Leuthen, l'armada austriana capitèt de se retirar vèrs lo sud. Puei, aprofichant leis ofensivas de seis aliats suedés e rus, Austria tornèt organizar sei fòrças e capitèt d'infligir una desfacha dura ai Prussians a la batalha de Hochkirch (14 d'octòbre). Pasmens, lo manescau Leopold Joseph von Daun mau capitèt d'esplechar sa victòria e laissèt lo rèi de Prússia tornar formar son armada.

Prússia[modificar | modificar la font]

Après lei combats de la fin de l'annada precedenta e sa victòria de Leuthen (→ 1757), lo rèi Frederic II (1740-1786) assaièt sensa succès de perseguir l'armada austriana qu'èra a se retirar vèrs lo sud. Pasmens, mau capitèt de la destrurre e deguèt, au contrari, se dirigir vèrs lo nòrd per faciar lei Suedés e lei Rus. Un succès saunós a Zorndorf lo 25 d'aost (11 000 soudats prussians perduts còntra 20 000 Rus) li permetèt d'empachar la reünion deis armadas austriana e russa mai la situacion se desgradèt rapidament. D'efèct, a partir de la fin de setembre, l'ofensiva suedesa còntra Brandeborg metèt l'armada prussiana en dificultat e lo 14 d'octòbre, Frederic II perdiguèt 9 000 òmes suplementaris a la batalha de Hochkirch còntra leis Austrians. Pasmens, l'armada austriana mau capitèt d'aprofichar sa victòria per envaïr dirèctament lo territòri prussian. Enfin, la vila de Kolberg capitèt de resistir a una premiera ataca russa (→ 1760 e 1761).

Reiaume Unit[modificar | modificar la font]

Pintura representant la batalha de Cartagèna entre naviris francés e britanics.

Après una annada 1757 malaisada, lo Reiaume Unit enregistrèt plusors succès còntra lei Francés sus totei lei teatres d'operacions. D'efèct, Hannover refusèt finalament de capitular e contunièt lo combat sus lo continent, çò qu'empachèt l'armada francesa d'aprofichar lei dificultats prussianas per acabar la guèrra. En parallèl, la marina britanica capitèt de mener d'incursions lòng dau litorau francés (Sant-Maloù, Cherborg, Saint-Cast) onte poguèron destrurre plusors desenaus de naviris.

En America, lei Britanics decidèron d'aprofichar sa superioritat numerica per atacar plusors ponchs d'un biais simultanèu. Ansin, lei tropas francesas – d'una qualitat superiora – poguèron pas empachar la presa de Fort Frontenac e de Fort Duquesne ni lo desbarcament d'importants renfòrç dins lo sector de Louisbourg que sa garnison capitulèt lo 26 d'aost après sièis setmanas de sètge. Aquò permetèt a l'armada britannica d'isolar Quebèc. En revènge, una temptativa dirècta còntra la colonia francesa s'acabèt per una revirada a la batalha de Fort Carillon (8 de julhet) ont una pichona armada francesa (3 600 òmes) capitèt de batre 18 000 soudats britanics.

Enfin, ais Índias, l'annada foguèt marcada per l'arribada de renfòrç francés per protegir Pondichéry e assaiar de reconquistar Madras. Pasmens, en despiech de quauquei desfachas menoras, lei Britanics e seis aliats locaus capitèron de mantenir sei posicions (→ 1759).

Russia[modificar | modificar la font]

Perseguida de la participacion russa a la Guèrra de Sèt Ans. Coma l'annada precedenta, lei Rus ataquèron l'èst de Prússia mai foguèron tornarmai blocats per lei fortificacions de la region. En particular, foguèron rebutats a Kolberg. Pasmens, aquela ofensiva permetèt ais Austrians de se tornar organizar.

Suècia[modificar | modificar la font]

Començament deis operacions còntra Prússia dins l'encastre de la Guèrra de Sèt Ans. Lei Suedés ataquèron a partir de Brandeborg de setembre-octòbre e menacèron lei fòrças prussianas cargadas de protegir la region. Aquò obliguèt lo rèi Frederic II de dirigir de tropas vèrs lo nòrd, çò que favorizèt la reorganizacion de l'armada austriana.

Asia[modificar | modificar la font]

China[modificar | modificar la font]

Pintura representant la batalha d'Oroi-Jalatu entre Chinés e Jungars.

Dins l'estèpa, perseguida de la repression de la revòuta dei Jungars. En causa de la menaça que representava aquela insureccion per lei projèctes de l'emperaire Qianlong d'estendre l'influéncia chinesa en Asia Centrala, una armada chinesa importanta i èra mobilizada. Ja dur e saunós, aqueu conflicte venguèt encara pus violent quand lei Jungars obtenguèron lo sostèn de plusors pòbles de la region, especialament leis Uigurs. D'efèct, per defugir una revòuta novèla e pacificar definitivament la region, l'armada Qing acomencèt l'exterminacion sistematica dei Jungars. Dins aquò, maugrat de pèrdas catastroficas, leis insurgents capitèron de tenir sei posicions e lo generau Zhaohui foguèt obligat de demandar de renfòrç a Pequin (→ 1759).

Arts[modificar | modificar la font]

Sciéncias e tecnicas[modificar | modificar la font]

Economia[modificar | modificar la font]

Naissenças[modificar | modificar la font]

Decèsses[modificar | modificar la font]


Commons-logo.svg

Wikimedia Commons prepausa de documents multimèdia liures sus 1758.